एजेन्सी । उपाधि दावेदार भारतले ९ औं संस्करणको आईसीसी टि–२० विश्वकपमा आयरल्याण्डमाथि शानदार जित हासिल गरेको छ ।
बुधवार राति भएको लो स्कोरिङ खेलमा बलियो भारतले आयरल्याण्डमाथि ८ विकेटको शानदार जित हासिल गरेको हो ।
जितसंगै भारतले समूह ‘ए’ मा २ अंक जोड्दै लिग तालिकाको शीर्ष स्थानमा उक्लेको छ ।
संयुक्त राज्य अमेरिकाको न्युयोर्कस्थित नास्सौ काउन्टी अन्तर्राष्ट्रिय क्रिकेट रंगशालामा भएको खेलमा ९७ रनको सामान्य विजयी लक्ष्यका साथ मैदान ओर्लिएको भारतले १२.२ ओभरमा २ विकेट गुमाउँदै पूरा गरे ।
भारतको जितमा कप्तान रोहित शर्माले ३७ बलमा ४ चौका र ३ छक्का प्रहार गर्दै ५२ रनको अर्धशतकिय पारी खेल्दै रिटायर्ड हर्ट हुँदै मैदानबाट बाहिरिदा विकेटकिपर रिशभ पन्तले २६ बल खेल्नेक्रममा ३ चौका र २ छक्का प्रहार गर्दै ३६ रन जोडेर अविजित रहे ।
त्यस्तै, सुर्यकुमार यादव २ र विराट कोहोली १ रनमा पेविलियन फर्किदा शिभम् दुबे शुन्य रनमा अविजित रहे ।
भारतले अतिरिक्त रुपमा ६ रन जोड्यो ।
आयरल्याण्डका लागि मार्क अदैरले ४ ओभर बलिङ गर्दै २७ रन खर्चिएर १ विकेट लिँदा बेन्जामिन ह्वाइटले १ ओभर बलिङ गर्दै ६ रन दिएर १ विकेट लिए ।
त्यसअघि टस जितेको भारतले आयरल्याण्डलाई पहिला ब्याटिङमा निम्त्यायो ।
आयरल्याण्डले १६ ओभर खेल्दै अलआउट हुनेक्रममा ९६ रन जोड्यो ।
आयरल्याण्डका लागि ग्यारेथ डेलेनीले १४ बलमा २ चौका र २ छक्का प्रहार गर्दै २६ रन जोडेर रनआउट हुँदा जोशुआ लिटलले १३ बल खेल्दै २ चौका प्रहार गरेर १४ रन जोडेर पेविलियन फर्किए ।
त्यस्तै, कर्टिस क्याम्फेरले ८ बलमा १ चौका र १ छक्का प्रहार गर्दै १२ रन जोडेर आउट हुँदा विकेटकिपर लोर्कान टक्टरले १३ बल खेल्नेक्रममा २ चौका प्रहार गर्दै १० रन जोडेर पेविलियन फर्किए ।
यता, ओपनर ब्याट्सम्यान एन्ड्रेयु बालबिरनेई ५, ह्यारी टेक्टर ४, जर्ज डकरेल र मार्क अदैर समान ३–३, अर्का ओपनर कप्तान पाउल स्टर्लिङ २ र बेरी म्याककार्थी शुन्य रनमा पेविलियन फर्किदा बेन्जामिन ह्वाइट २ रनमा अविजित रहे ।
लेखक
