भक्तपुर । काठमाडौंमा जारी तेस्रो संस्करणको नेपाल सुपर लिग (एनएसएल) मा धनगढी एफसीले जित निकालेको छ ।
सोमवार राति भएको खेलमा साविक उपविजेता धनगढी एफसीले झापा एफसीमाथि १–० को जित निकालेको हो ।
त्रिपुरेश्वरस्थित दशरथ रंगशालामा भएको खेलमा धनगढीले आत्मघाती गोल उपहार प्राप्त गर्दै जित निकाल्यो ।
पहिलो हाफ गोलरहित बराबरीमा सकिएको खेलमा दोस्रो हाफको ६० औं मिनेटमा झापाका दिपेश धिमालले आत्मघाती गोल गर्दा धनगढी १–० ले अघि बढ्यो ।
त्यसपछि खेलमा दुबै टोलीले केहि राम्रा अवसरहरु सिर्जना गरे तापनि गोल भने निकाल्न सकेन र खेल धनगढीको पक्षमा सकियो ।
जितसंगै धनगढीले ५ खेलबाट ३ मा जित र २ मा बराबरीको नतिजासहित ११ अंक जोडेर लिग तालिकाको शीर्ष स्थानमा उक्लिएको छ ।
साविक विजेता ललितपुरको पनि समान ११ नै अंक रहे तापनि गोलअन्तरका आधारमा अघि रहँदै धनगढी तालिकाको शीर्ष स्थानमा उक्लिएको हो ।
योसंगै धनगढीले प्लेअफ्समा स्थान पक्का गरेको छ ।
पराजित झापाको समान ५ खेलमा ४ खेलमा बराबरी र १ खेलमा पराजय बेहोर्दै ४ अंकसहित तालिकाको छैटौं स्थानमा यथावत रहेको छ ।
झापाको प्लेअफ्स पुग्ने सम्भावना गणितिय संभावना कायमै छ ।
लेखक
