भक्तपुर । काठमाडौंमा जारी नेपाल सुपर लिग (एनएसएल) अन्तर्गत खेलमा एफसी चितवनले झापा एफसीमाथि सहज जित निकालेको छ ।
शुक्रवार साँझ भएको खेलमा एफसी चितवनले झापा एफसीमाथि २–० को सहज जित हासिल गरेको हो ।
त्रिपुरेश्वरस्थित दशरथ रंगशालामा भएको खेलमा चितवनको जितमा रफिक अमिनुले दुबै गोल गरे ।
खेल सुरु भएको ७ औं मिनेटमा रफिकले गोल गर्दै चितवनलाई सुरुवाती अग्रता दिलाए ।
त्यस्तै, दोस्रो हाफको ७६ औं मिनेटमा काउन्टर अट्याकमा रफिकले व्यक्तिगत रुपमा दोस्रो गोल गर्दा चितवन २–० ले अघि बढ्यो ।
यता, झापाले खेलको ८० औं मिनेटमा पेनाल्टी पाएतापनि अन्जन बिष्ट चुक्न पुगे ।
त्यसपछि खेलमा थप गोल ननिस्केपछि चितवनले खेल जित्यो ।
सहज जितसंगै चितवनले सिजनको आठौं तथा अन्तिम खेलमा जित निकाल्दै ९ अंकका साथ तालिकाको छैटौं स्थानमा उक्लिएको छ ।
पराजयसंगै झापाले ८ खेलमा १० अंक जोडेको छ ।
हारसंगै झापाको अन्तिम चारमा पर्ने सम्भावना भने कमजोर बनेको छ ।
खेलको म्यान अफ द म्याच चितवनका कप्तान तथा गोलकिपर बिशाल श्रेष्ठ घोषित भए ।
लेखक
