एजेन्सी । कतारमा जारी एएफसी एसियन कपअन्तर्गत खेलमा उपाधि दाबेदार मानिएको दक्षिण कोरिया जोर्डनसंग बराबरीमा रोकिएको छ ।

सनिवार साँझ भएको खेलमा बलियो दक्षिण कोरिया तुलनात्मक रुपमा कमजोर प्रतिद्वन्दी जोर्डनसंग २–२ गोलको बराबरीमा रोकिएको हो ।

अल थुमामा रंगशालामा भएको खेलमा सन ह्युङ मिनको गोलमार्फत कोरियाले सुरुवाती अग्रता लियो ।

तर, ३७ औं मिनेटमा कोरियाका पार्क योङ उले आत्मघाती गोल गर्न पुगेपछि जोर्डन १–१ को बराबरीमा आयो ।

त्यसपछि पहिलो हाफको अन्त्यतिर इन्जुरी समयको छैटौं मिनेटमा याजान अल नैमतले सनसनी गोल थप्दा जोर्डन खेलमा २–१ ले अघि बढ्यो ।

उता, खेलमा पछि परेको कोरियाले दोस्रो हाफमा जोर्डनमाथि निरन्तर दबाब सिर्जना गर्यो ।

गोलका लागि निक्कै संघर्ष गरेको कोरियाले खेलको अन्त्यतिर निर्धारित ९० मिनेटपछि थपिएको इन्जुरी समयको पहिलो मिनेटमा याजान अल अरबको आत्मघाती गोलमार्फत २–२ को बराबरी गर्यो ।

बराबरीमा खेल सकिएसंगै समूह ‘इ’ मा जोर्डनले २ खेलबाट ४ अंक जोड्दै समूह तालिकाको शीर्ष स्थानमा उक्लिएको छ ।

समान खेल खेलेको दक्षिण कोरिया भने समान ४ अंक नै भएतापनि गोलअन्तरका आधारमा दोस्रो स्थानमा रहेको छ ।

लेखक

प्रतिकृया दिनुहोस्

Please enter your comment!
Please enter your name here
This site is protected by reCAPTCHA and the Google Privacy Policy and Terms of Service apply.

The reCAPTCHA verification period has expired. Please reload the page.