एजेन्सी । स्पेनिस महारथी रियल मड्रिडले ला लिगाअन्तर्गत खेलमा जिरोनामाथि फराकिलो जित निकालेको छ ।
सनिवार राति भएको खेलमा रियल मड्रिडले जारी सिजन उच्च लयमा रहेको जिरोनामाथि ४–० को फराकिलो जित निकालेको हो ।
मड्रिडको घरेलु मैदान स्यान्टियागो बेर्नाबाउ रंगशालामा भएको खेलमा घरेलु टोलीको एकतर्फी फराकिलो जितमा जुधे बेलिङघमले दुई गोल गर्दा भिनिसियस जुनियर र रोड्रिगोले समान एक–एक गोल गरे ।
खेल सुरु भएको छैटौं मिनेटमा फेडेरिको भाल्भाड्रेको पासमा भिनिसियसले गोल गर्दै मड्रिडलाई सुरुवाती अग्रता दिलाए ।
त्यसपछि ३५ औं मिनेटमा भिनिसियसको पासमा बेलिङघमले गोल गर्दै घरेलु टोलीलाई २–१ ले अघि बढाए ।
यता, दोस्रो हाफको ५४ औं मिनेटमा बेलिङघमले व्यक्तिगत रुपमा दोस्रो गोल थप्दा मड्रिड ३–० को आरामदायी अग्रतासहित अघि बढ्यो ।
लगत्तै ६१ औं मिनेटमा भिनिसियसको पासमा रोड्रिगोले गोल थप्दा मड्रिड ४–० ले विजयी भयो ।
उपाधि होडमा रहेको टोलीविरुद्व फराकिलो जितसंगै मड्रिडले २३ खेलमा ५८ जोड्दै लिग तालिकाको शीर्ष स्थानमा उक्लिन सफल भयो ।
पराजित जिरोनाको समान २३ खेलमा ५६ अंक छ । जिरोना तालिकाको दोस्रो स्थानमा रहेको छ ।
लेखक
