एजेन्सी । नेडरल्याण्ड्सलाई हराउँदै जापान फिफा यु–२० महिला विश्वकपको फाइनलमा प्रवेश गरेको छ ।
विहिवार विहान भएको दोस्रो सेमिफाइनल खेलमा युरोपेली राष्ट्र नेडरल्याण्ड्सलाई २–० ले पराजित गर्दै एसियाली राष्ट्र जापान फाइनलमा प्रवेश गरेको छ ।
कोलम्बियाको इस्टाडियो ओलम्पिको पास्कल ग्वेरेरो रंगशालामा भएको खेलमा जापानलाई उपाधि नजिक पु¥याउन मानाका मात्सुकुबोले दुबै गोल गरिन् ।
दुबै गोल दोस्रो हाफमा सम्भव भयो ।
दोस्रो हाफको ५५ औं मिनेटमा मात्सुकुबोले गोल गर्दै जापानलाई १–० ले अघि बढाइन् ।
त्यसपछि ८३ औं मिनेटमा दोस्रो गोल थप्दा जापान २–० ले विजयी भयो ।
अब जापानले विश्वकप उपाधिका लागि एसियाली प्रतिद्वन्दी उत्तर कोरियासंग खेल्ने भएको छ ।
लेखक
