भक्तपुर । नेपाल टि–२० क्रिकेट लिगको २७ खेलमा जनकपुर रोयल्सले लुम्बिनी अल स्टार्समाथि २३ रनको जित हात पारेको छ ।
शुक्रवार भएको पहिलो खेलमा जनकपुरले दिएको १६० रनको विजयी लक्ष्य लुम्बिनीले पुरा १७ ओभर खल्दा पनि भेटाउन सकेन ।
जनकपुरका खेलाडी टसका लागि निर्धारित समयमा नआएपछि खेल ढिला हुन पुगेको थियो । २० ओभरको खेललाई १७ ओभरमा झारिएको खेलमा लुम्बिनीले ७ विकेटको क्षतिमा १३६ रनमात्र जोड सक्यो ।
लुम्बिनीका लागि अनिल साहले सर्वाधिक ३५ रन बनाए । त्यस्तै,लाहिरु मिलान्थाले ३२, सुनिल धमला २७, गुलशन झा १०, ह्यारी टेक्टर ७, कुशल भुर्तेल र साड्ले भान स्चाल्कविकले समान ५ रन जोडे ।
जनकपुरका कप्तान त्रिभोन ग्रिटने ३ विकेट लिए । त्यस्तै, समिउल्लाह शिनवरीले २ विकेट लिए ।
त्यसअघि क्रितिपरस्थित टियू क्रिकेट मैदानमा टस हारेर पहिला ब्याटिङ थालेको जनकपुरले निर्धारित १७ ओभरमा ६ विकेट गुमाउँदै १ सय ५९ रन बनाएको थियो ।
जनकपुरका लागि त्रिभोन ग्रिफ्टले सर्वाधिक ४७ रन बनाउँदै अविजित रहे । त्यस्तै, शराफुदिन असरफले ३४ रन बनाए । खडक बोहरा २२, दीलिप नाथ १० र अस्हन प्रियारन्जनले ८ रन बनाए ।
लुम्बिनीका लागि सागर ढकालले र कुशल भुर्तेलले २–२ विकेट लिए । त्यस्तै, प्याट ब्राउन र ईशान पाण्डेले १–१ विकेट लिए ।
जितसंगै जनकपुरको १० खेलमा ७ मा जित र ३ खेलमा मा हारसहित १४ अंक भएको छ । जनकपुर लिग तालिकाको दोस्रो स्थानमा रह्यो ।
यता, पराजित लुम्बिनीको १० खेलमा ८ मा जित र २ मा हारसहित १६ अंक छ । लुम्बिनी तालिकाको शीर्ष स्थानमा छ ।
अब यी दुई टोलीबीच आइतबार पहिलो क्वालिफायर खेल हुनेछ । उक्त खेलमा विजयी हुने टोली फाइनलमा प्रवेश गर्नेछ ।
लेखक
