एजेन्सी । इंग्लिस क्लब आर्सनलले युरोपेली क्लब फुटबलको शीर्ष प्रतियोगिता युईएफए च्याम्पियन्स लिगमा फ्रान्सेली महारथी पेरिस सेन्ट जर्मन (पिएसजी) माथि जित निकालेको छ ।
मंगलवार राति भएको लिग चरणको खेलमा प्रिमियर लिग क्लब आर्सनलले लिग वान महारथी पिएसजीमाथि २–० को जित निकालेको हो ।
आर्सनलको घरेलु मैदान इमिरेट्स रंगशालामा भएको खेलमा घरेलु टोलीलाई जिताउन काइ हाभार्टेज र बुकायो साकाले गोल गरे ।
दुबै गोल पहिलो हाफमा सम्भव भयो ।
खेलको २० औं मिनेटमा लियान्ड्रो ट्रोस्सार्डको पासमा हाभार्टेजले गोल गर्दै घरेलु टोलीलाई सुरुवाती अग्रता लियो ।
त्यसपछि ३५ औं मिनेटमा साकाले गोल थप्दा आर्सनल २–० ले अघि बढ्यो ।
दोस्रो हाफमा भने थप गोल निस्किएन ।
सहज जितसंगै आर्सनलले २ खेलबाट ४ अंकसहित लिग तालिकाको आठौं स्थानमा उक्लिएको छ ।
पराजित पिएसजीको समान २ खेलमा ३ अंकसहित तालिकाको १८ औं स्थानमा झरेको छ ।
लेखक
