एजेन्सी । एट्लेटिको डि मड्रिडले युईएफए च्याम्पियन्स लिगअन्तर्गत खेलमा आरबी लाईपिजिङमाथि जित निकालेको छ ।
विहिवार राति भएको खेलमा स्पेनिस क्लब एट्लेटिको डि मड्रिडले एक गोलले पछि परेको स्थितिलाई पुनरागमन गर्दै २–१ को जित निकालेको हो ।
एट्लेटिकोको घरेलु मैदान इस्टाडियो सिभिटास मेट्रोपोलिटानो रंगशालामा भएको खेलमा सुरुवाती अग्रता भने भ्रमणकारी टोली आरबी लाईपिजिङले लियो ।
खेल सुरु भएको चौथौं मिनेटमा बेन्जामिन सिस्कोको गोलमार्फत् जर्मन टोलीले १–० को अग्रता बनायो ।
तर, २८ औं मिनेटमा मार्कोस लोरेन्टको पासमा एन्टोनी ग्रिजमनले घरेलु टोलीका लागि गोल फर्काउँदा खेल १–१ को बराबरीमा आयो ।
त्यसपछि खेलको अन्त्यतिर ९० औं मिनेटमा ग्रिजमनको पासमा जोसे जिमेनिजले गोल थप्दा एट्लेटिको २–१ ले विजयी भयो ।
जितसंगै एट्लेटिकोले लिग तालिकामा महत्वपूर्ण तीन अंक जोडेको छ ।
त्यस्तै, इटालियन क्लब एटलान्टाको घरेलु मैदान गिविस स्टेडियममा भएको अर्को खेलमा आर्सनल गोलरहित बराबरीमा रोकिएको छ ।
बराबरीसंगै एटलान्टा र आर्सनलले अंक बाँडेका छन् ।
लेखक
