एजेन्सी । युरोपेली फुटबलको सर्वाधिक लोकप्रिय प्रतियोगिता युईएफए च्याम्पियन्स लिगअन्तर्गत अन्तिम १६ को दोस्रो लेग खेलका दुई खेल आज (मंगलवार) राति हुँदैछ ।
लिगा पोर्चुगल क्लब एफसी पोर्टोले सिरी ‘ए’ क्लब इन्टर मिलानसंग घरेलु मैदान इस्टादियो दो द्रागाओमा खेल्दैछ ।
इटालियन क्लबको घरेलु मैदानमा खेलिएको पहिलो लेग खेलमा इन्टरले पोर्टोलाई १–० ले पराजित गरेको थियो ।
त्यसैले आजको खेलमा इन्टरलाई अघिल्लो चरण प्रवेशको निम्ति बराबरीको नतिजा नै काफी रहँदा पोर्टोलाई कम्तीमा दुई गोलको अन्तरमा जित चाहिएको छ ।
त्यस्तै, प्रिमियर लिग क्लब म्यानचेस्टर सिटीले बुडेसलिगा क्लब आरबी लाईपिजिङलाई इतिहाद रंगशालामा आमन्त्रण गर्दैछ ।
यसअघि पहिलो लेग खेलमा इंग्लिस क्लब सिटी र जर्मन क्लब लाईपिजिङले १–१ को बराबरी खेलेको थियो । त्यसैले आजको खेल दुबै टोलीलाई महत्वपूर्ण छ ।
प्रतियोगितामा कायम रहन दुबै टिमलाई निश्चित जितको नतिजा नै चाहिन्छ ।
च्याम्पियन्स लिगका दुबै खेलहरु नेपाली समय अनुसार मध्यराति पौने २ बजे सुरु हुनेछ ।
लेखक
