एजेन्सी । लिग लिडर लिभरपूलले इंग्लिस प्रिमियर लिगअन्तर्गत खेलमा चेल्सीलाई फराकिलो गोलअन्तरले पराजित गरेको छ ।
बुधवार राति भएको खेलमा लिभरपूलले चेल्सीलाई ४–१ को फराकिलो गोलअन्तरले पराजित गरेको हो ।
लिभरपूलको घरेलु मैदान एन्फिल्ड रंगशालामा भएको खेलमा घरेलु टोलीको जितमा डिएको जोटा, कोनर ब्राड्ले, डोमिनिक स्जोबोस्ज्लाइ र लुइस डाइजले गोल गरे ।
पराजित टोलीका लागि क्रिस्टफोर एनकुन्कुले सान्तोना एक गोल फर्काए ।
खेलको २३ औं मिनेटमा कोनर ब्राड्लेको पासमा जोटाले गोल गर्दै लिभपूलले सुरुवाती अग्रता लियो ।
त्यसपछि ३९ औं मिनेटमा लुइस डाइजको पासमा ब्राड्लेले गोल थप्दा मर्सिसाइड क्लब २–० ले अघि बढ्यो ।
यता, पहिलो हाफको इन्जुरी समयको दोस्रो मिनेटमा डार्विन नुनेज पेनाल्टीमा चुक्दा लिभरपूल अग्रता बढाउने अवसरबाट चुक्यो ।
तर, दोस्रो हाफको ६५ औं मिनेटमा ब्राड्ले कै पासमा स्जोबोस्ज्लाईले गोल थप्दा लिभरपूल ३–० को सहज अग्रतातर्फ अघि बढ्यो ।
उता, भ्रमणकारी टोलीका लागि एनकुन्कुले ७१ औं मिनेटमा गाmे फर्काउँदा खेल ३–१ को अवस्थामा आयो ।
त्यसपछि ७९ औं मिनेटमा नुनेजको पासमा डाइजले गोल थप्दा लिभरपूल ४–१ ले विजयी भयो ।
फराकिलो जितसंगै तालिकाको शीर्ष स्थानमा रहेको लिभरपूलले २२ खेलबाट ५१ अंक जोडेको छ ।
पराजित चेल्सीको भने समान २२ खेलमा ३१ अंकसहित तालिकाको १० औं स्थानमा रहेको छ ।
लेखक
