एजेन्सी । इंग्लिस महारथी क्लब म्यानचेस्टर सिटीले चेल्सीमाथि जित निकाल्दै एफए कपको फाइनलमा स्थान पक्का गरेको छ ।
सनिवार राति भएको सेमिफाइनल खेलमा साविक विजेता म्यानचेस्टर सिटीले लण्डन क्लब चेल्सीमाथि १–० को जित निकाल्दै इंग्लिस फुटबलको प्रतिष्ठित प्रतियोगिताको फाइनलमा स्थान पक्का गरेको हो ।
इंग्ल्याण्डको राष्ट्रिय रंगशाला वेम्बली रंगशालामा भएको रोमाञ्चक खेलमा उपाधि रक्षा अभियानमा रहेको सिटीका लागि बर्नाडो सिल्भाले निर्णायक गोल गरे ।
पहिलो हाफ गोलरहित बराबरीमा रोकिएको खेलमा दोस्रो हाफको ८४ औं मिनेटमा सिल्भाले गोल गर्दै सिटीलाई १–० ले जित दिलाए ।
अब सिटीले उपाधिका लागि फाइनलमा साविक उपविजेता म्यानचेस्टर युनाइटेड वा च्याम्पियनसिप क्लब कोभेन्ट्री सिटीबीचको विजेतासंग खेल्नेछ ।
लेखक
