एजेन्सी । ब्रायन म्युनिख जर्मन बुडेसलिगामा इन्ट्राचट फ्यांकफ्रुटसंग बराबरीमा रोकिएको छ ।
सनिवार राति भएको खेलमा लिग लिडर म्युनिख फ्यांकफ्रुटसंग १–१ को बराबरीमा रोकिएको हो ।
अलियान्ज एरिनामा भएको खेलको ३४ औं मिनेटमा थोमस मुलरको पासमा लेउरी सानेले गोल गर्दै घरेलु टोलीलाई खेलमा अग्रता दिलाएका थिए ।
खेलको पहिलो हाफसम्म १–० ले अघि रहेको साविक विजेता समेत रहेको म्युनिखले ६९ औं मिनेटमा गोल बेहोर्यो ।
काउन्टर अट्याकमा भ्रमणकारी टोलीले रानदाल कोलो मुनाइको गोलमार्फत खेलमा बराबरी गरेको थियो ।
त्यसपछि खेलमा थप गोल भएन र खेल १–१ को बराबरीमा सकियो ।
घरेलु मैदानमा अंक बाँधेको म्युनिखको १८ खेलमा ३७ अंक भएको छ । म्युनिख लिग तालिकाको शीर्ष स्थानमा छ ।
यता, फ्यांकफ्रुटले समान खेलमा ३२ अंक जोड्दा तालिकाको पाँचौं स्थानमा रह्यो ।
गयराति नै सम्पन्न अन्य खेलहरुमा मैन्ज ०५ ले भिएफएल बोचहुममाथि ५–२ को जित निकाल्दा एससी फ्रेइबर्गले पनि अग्सबर्गलाई ३–१ ले हरायो ।
त्यस्तै, हेर्थ बिएससी एफसी युनियन बर्लिनसंग २–० ले पराजित हुँदा एमग्लाडबाचले होफिमघममाथि ४–१ को फराकिलो जित रच्यो ।
यता, वेडेर बर्मिनले भिएफएल वुल्भ्सबर्गमाथि २–१ को जित रच्यो ।
लेखक
