एजेन्सी । गेटाफेले स्पेनिस ला लिगाअन्तर्गत खेलमा ग्रानाडामाथि सहज जित निकालेको छ ।
सोमवार राति भएको खेलमा गेटाफेले ग्रानाडामाथि २–० को जित निकालेको हो ।
गेटाफेको घरेलु मैदान इस्टाडियो कोलिसियुम रंगशालामा भएको खेलमा घरेलु टोलीको जितमा म्यान्सन ग्रिनउड र बोर्जा मायोरलले गोल गरे ।
दुबै गोल पहिलो हाफमा सम्भव भयो ।
खेलको २१ औं मिनेटमा ग्रिनउडले गोल गर्दै घरेलु टोलीलाई सुरुवाती अग्रता दिलाए ।
त्यसपछि ३६ औं मिनेटमा मायोरलले गोल थप्दा गेटाफे २–० ले विजयी भयो ।
महत्वपूर्ण जितसंगै गेटाफेले २१ खेलमा २९ अंक जोड्दै ला लिगाको १० औं स्थानमा रहेको छ ।
पराजित ग्रनाडाको भने २२ खेलमा ११ अंकसहित तालिकाको १९ औं स्थानमा रहेको छ ।
लेखक
