एजेन्सी । स्पेनिस महारथी रियल मड्रिडले ला लिगाअन्तर्गत खेलमा गेटाफेमाथि सहज जित निकालेको छ ।
विहिवार राति भएको खेलमा लिग लिडर रियल मड्रिडले तुलनात्मक रुपमा कमजोर प्रतिद्वन्दी गेटाफेमाथि २–० को सहज जित निकालेको हो ।
गेटाफेको घरेलु मैदान इस्टाडियो कोलिसियम रंगशालामा भएको खेलमा मड्रिडको जितमा जोसेलु नायक सावित भए ।
खेल सुरु भएको १४ औं मिनेटमा लुकास भाजक्वेइजको पासमा जोसेलुले गोल गर्दै सुरुवाती अग्रता दिलाए ।
त्यसपछि दोस्रो हाफको ५६ औं मिनेटमा भिनिसियस जुनियरको पासमा जोसेलुले व्यक्तिगत रुपमा दोस्रो गोल थप्दा मड्रिड २–० ले विजयी भयो ।
सहज जितसंगै ला लिगाको शीर्ष स्थानमा रहेको मड्रिडको २२ खेलमा ५७ अंक भएको छ ।
पराजित गेटाफेको भने समान २२ खेलमा २९ अंकसहित तालिकाको १० औं स्थानमा रहेको छ ।
लेखक
