एजेन्सी । श्रीलंकामा जारी पाँचौं संस्करणको लङ्का प्रिमियर लिगअन्तर्गत पहिलो क्वालिफायर खेलमा जित निकाल्दै गाल्ले टाइटन्स फाइनलमा प्रवेश गरेको छ ।
विहिवार भएको खेलमा जाफ्ना किंग्समाथि ७ विकेटको जित निकाल्दै गाल्ले टाइटन्स फाइनलमा प्रवेश गरेको हो ।
पराजय बेहोरेको जाफ्ना किंग्सले भने अब फाइनलमा स्थान बनाउन इलिमिनेटर खेल खेल्न पर्ने भएको छ ।
कोलोम्बोस्थित आर. प्रेमादासा रंगशालामा भएको खेलमा १७८ रनको विजयी लक्ष्यका साथ जवाफी ब्याटिङमा उत्रिएको गाल्ले टाइटन्सले १८.१ ओभरमा ३ विकेट गुमाउँदै १८१ रन जोड्यो ।
गाल्लेको जितमा टिम सेइफेर्टले ४१ बलमा ९ चौका र १ छक्का प्रहार गर्दै ६२ रनको अर्धशतकिय पारी खेल्दै अविजित रहँदा जनिथ लियानागेले ३६ बल खेल्दै ५ चौका र ३ छक्का प्रहार गर्दै ५६ रनको अर्धशतकिय पारी खेल्दै पेविलियन फर्किए ।
त्यस्तै, ओपनर ब्याट्सम्यान एलेक्स हालेसले २१ बलमा ५ चौका र २ छक्का प्रहार गर्दै ३६ रन जोडेर आउट हुँदा कप्तान तथा विकेटकिपर निरोशान डिकवेल्लाले ९ रनमा पेविलियन फर्किए ।
यता, भानुका राजापाक्ष ८ रनमा अविजित रहे ।
गाल्लेले अतिरिक्त रुपमा १० रन जोड्यो ।
जाफ्नाका लागि अजमतुल्लाह ओमारजायी, फाबियन एलेन र तबराइज शाम्सीले समान १–१ विकेट लिए ।
त्यसअघि टस हारेर पहिला ब्याटिङमा उत्रिएको जाफ्नाले निर्धारित २० ओभरको खेलमा ७ विकेट गुमाउँदै १७७ रन जोड्यो ।
जाफ्नाका लागि अभिशका फेर्नान्डोले ३३ बलमा ४ चौका र ३ छक्का प्रहार गर्दै ५२ रनको अर्धशतकिय पारी खेल्दा रिले रोस्सौले २२ बल खेल्नेक्रममा ४ चौका र ३ छक्का प्रहार गर्दै ४० रन जोडेर पेविलियन फर्किए ।
त्यस्तै, विकेटकिपर कुशल मेन्डिसले ३९ बलमा ४ चौका र १ छक्का प्रहार गर्दै ४६ रन जोडेर आउट हुँदा अजमतुल्लाह ओमारजायीले ८ बल खेल्दै १ छक्का प्रहार गरेर १४ रन जोडेर अविजित रहे ।
यता, धनन्जय डि सिल्भा ९, कप्तान चरिथ असलंका ७, अर्का ओपनर पाथुम निसंका ४ र फाबियन एलेन १ रनमा पेविलियन फर्किदा वानुजा सहान शुन्य रनमा अविजित रहे ।
जाफ्नाले अतिरिक्त रुपमा ४ रन जोड्यो ।
गाल्लेले डिवाइने प्रटोरियोसले सर्वाधिक ४ विकेट लिँदा इसुरु उडानाले २ र प्रभात जयसुर्याले १ विकेट लिए ।
लेखक
