भक्तपुर । फिफा विश्वकपको पहिलो प्रि–क्वाटरफाइनल खेलमा संयुक्त राज्य अमेरिकामाथि जित हात पार्दै नेडरल्याण्ड क्वाटरफाइनलमा प्रवेश गरेको छ ।
सनिवार भएको खेलमा नेडरल्याण्डले अमेरिकामाथि ३–१ गालअन्तरको जित हात पारेको हो ।
खालिफा अन्तराष्ट्रिय रंगशालामा भएको खेलमा खेलको १० औं मिनेटमा मेम्फिस डीपेको गोलमार्फत डच टोलीले १–० को अग्रता लिएको थियो ।
त्यस्तै, पहिलो हाफको अन्त्यतिर दाले ब्लिन्डले गोल गर्दै नेडरल्याण्डलाई पहिलो हाफमा २–० को सहज अग्रता दिलाएका थिए ।
दोस्रो हाफको ७६ औं मिनेटमा अमेरिकाका लागि हाजी रुइटले गोल गर्दा खेल २–१ को अवस्थामा आयो । तर, ८१ औं मिनेटमा देनजेल दुमफ्रिजले गोल गर्दा डच टोली ३–१ ले विजयी रह्यो ।
जितसंगै लुइस भान गालको नेडरल्याण्डले अन्तिम ८ को स्थान पक्का गर्यो ।
लेखक
