एजेन्सी । इंग्लिस फुटबलको चर्चित क्लब लिभरपूलका मुख्य प्रशिक्षक जोर्गेन क्लोपले सिजनको अन्त्यसंगै क्लब छाड्ने भएका छन् ।
शुक्रवार क्लोपले जारी सिजनको अन्त्यसंगै मर्सिसाइड क्लब छाड्ने बताएका हुन् ।
बुधवार राति मात्रै लिभरपूल इंग्लिस प्रतियोगिता इएफएल कपको फाइनलमा प्रवेश गरेको थियो ।
यस्तोमा ५६ वर्षिय लिभरपूल प्रशिक्षकले अप्रत्यासित रुपमा क्लब छाड्ने निर्णय गरेसंगै लिभरपूल समर्थकहरु आश्चर्यमा परेका छन् ।
यसअघि जर्मन प्रशिक्षक सन् २०१५ मा जर्मन क्लब बुरुसिया डर्टमण्ड छोडर मर्सिसाइड क्लब आएका थिए ।
उनले लिभरपूलका लागि सम्भव भएसम्म सबै उपाधि जिताइसकेका छन् ।
उनले लिभरपूललाई सन् २०१९ मा युईएफए च्याम्पियन्स लिगको उपाधि जिताउदा २०२० मा प्रिमियर लिगको उपाधि दिलाएका थिए ।
त्यस्तै, सन् २०२२ मा इंग्लिस फुटबलको प्रतिष्ठित प्रतियोगिता एफए कप र इएफएल कपको उपाधि पनि जिताउँर्दा युईएफए सुपर कप र फिफा क्लब विश्वकपको उपाधि पनि उनले लिभरपूललाई दिलाइसकेका छन् ।
उनको नेतृत्वमा रहेको रेड्सका रुपमा समेत चिनिने लिभरपूल प्रिमियर लिगको शीर्ष स्थानमा रहेको रहेको छ ।
लेखक
