भक्तपुर । फिफा विश्वकपमा क्रोएसियासंग पराजित भएसंगै क्यानडा विश्वकपबाट बाहिरिने निश्चित भएको छ ।
आइतवार खालिफा रंगशालामा भएको खेलमा क्यानेडा क्रोएसियासंग ३–१ गोल अन्तरले पराजित भएको हो ।
खेल सुरु भएको दोस्रो मिनेटमै उत्तर अमेरिकी राष्ट्रले सुरुवाती अग्रता लिएको थियो । तर, खेलको ३६ औं मिनेटमा एन्ड्रेज क्रामारिकले गोल फर्काउदै खेल १–१ को बराबरीमा ल्यायो ।
४४ औं मिनेटमा मार्को लिभाजाले गोल गर्दा क्रोएसियाले खेलमा २–१ को अग्रता बनायो । त्यस्तै, दोस्रो हाफको ७० औं मिनेटमा क्रामारिकले व्यक्तिगत रुपमा दोस्रो गोल गर्दा क्रोएसिया ३–१ ले अघि बढ्यो ।
निर्धारित ९० मिनेटको खेलपछि थपिएको अतिरिक्त ६ मिनेटको तेस्रो मिनेटमा काउन्टरमा लोभ्रो माजिरले गोल थप्दा अघिल्लो संस्करणको उपविजेता क्रोएसियाले ४–१ को फराकिलो जित हात पार्यो ।
जितसंगै क्रोएसिया २ खेलमा ४ अंक जोड्दै समूह ‘एफ’ मा शीर्ष स्थान उक्लिएको छ । समान खेलमा मोरक्कोको पनि ४ अंक नै रहँदा बेल्जियमको ३ अंक छ ।
यता पराजय बेहोरेको क्यानेडा समूह चरणबाटै घर फर्कने निश्चित भएको छ ।
लेखक
