भक्तपुर । म्यानचेस्टर युनाइटेडले पोर्चुगिच फरवार्ड क्रिस्चियानो रोनाल्डोसंग आपसी समझदारीमा सम्झौता रद्द भएको जनाएको छ ।
युनाइटेडले एक विज्ञप्ति जारी गर्दै रोनाल्डोसँगको सम्झौता आपसी समझदारीमा रद्द भएको जानकारी दिएको हो ।
युनाइटेडको आधिकारिक वक्तव्यमा भनेको छ, ‘ओल्डट्राफेडमा दोस्रो कार्यकालसम्ममा ३४६ खेलमा १४५ गोलको योगदानका लागि क्रिस्चियानो रोनाल्डोलाई धेरै धेरै धन्यवाद दिन चाहन्छौं । उनी र उनको परिवारलाई आगामी दिनको लागि क्लबको तर्फबाट शुभकामना दिन चाहन्छौं ।’
त्यस्तैगरी रोनाल्डोले पनि सामाजिक सञ्जालमार्फत उक्त खबरको पुष्टी गरेका छन् । रोनाल्डोले भनेका छन्, ‘म्यानचेस्टर युनाइटेड र म बीच सहमती भए अनुसार हामीले समय भन्दा अगावै सम्झौता रद्द गरेका छौं । म युुनाइटेड र समर्थकहरुलाई माया गरिरहने छु । साथै आउँने नयाँ चुनौती सामना गर्न आतुर छु ।’
सम्झौता रद्द भएसंगै रोनाल्डो फ्रि ट्रान्सफरका रुपमा अन्य क्लबहरुमा अनुवन्ध हुन पाउने भएको छ ।
गत सिजन सनसनी रुपमा युनाइटेड फर्किएका रोनाल्डो पछिल्लो समय क्लबभित्र खुसी थिएनन् । सिजनको सुरुवातमै युनाइटेड छोड्न चाहेका उनले राम्रो टिम भेट्टाउन सकेका थिएनन् ।
पछिल्लो समय युनाइटेडका मूख्य प्रशिक्षक एरिक टेन ह्याङसंग उनको सम्बन्ध चिसिएको थियो । डच प्रशिक्षकको आगमनसंगै उनले खेल समय कमै मात्र पाएका थिए ।
जसकारण बेलाबेलामा खेल मैदान भित्र वा बाहिर विवादमा आइरहने रोनाल्डोले फिफा विश्वकप सुरु हुनु अगाडी पिइरे मोर्गानसंगको अन्तर्वातामा म्यानचेस्टर युनाइटेडभित्र रहेका विभिन्न समस्याका बारेमा अन्तर्वाता दिएका थिए ।
अन्ततः उक्त अन्तर्वाता नै युनाइटेड र रोनाल्डोको सम्बन्ध विच्छेदको कारण बन्न पुग्यो ।
लेखक
