एजेन्सी । नेपालले एकदिवसिय अन्तर्राष्ट्रिय सिरिज (नेपाल क्यानडा ब्याटरियल सिरिज) अन्तर्गत पहिलो खेलमा क्यानडामाथि रोमाञ्चक जित हासिल गरेको छ ।
विहिवार भएको ३ खेलको ओडिआई सिरिजअन्तर्गत पहिलो खेलमा नेपालले भ्रमणकारी टोली क्यानडामाथि ७ रनको रोमाञ्चक जित हासिल गरेको हो ।
योसंगै सिरिजमा नेपालले १–० को अग्रता लिएको छ ।
काठमाडौंको क्रितिपुरस्थित टियु क्रिकेट मैदानमा भएको खेलमा नेपालले दिएको २२५ रनको मध्यम विजयी लक्ष्य पछ्याउने क्रममा क्यानडा ४७.५ ओभरमा अलआउट हुँदा मात्र २१७ रनमा समेतियो ।
क्यानडाका लागि निकोलास क्रिटनले ९९ बलमा ७ विकेट गुमाउँदै ६८ रनको अर्धशतकिय पारी खेल्दा परगत सिंहले ५८ बल खेल्दै ९ चौका प्रहार गरेर ५० रनको अर्धशतकिय पारी खेले ।
त्यस्तै, हर्ष थाकेरले ४३ बलमा ३ चौका प्रहार गर्दै ३२ रन जोड्दै आउट हुँदा ओपनर ब्याट्सम्यान आरोन जोनसनले १५ बलमा ३ चौका र १ छक्का प्रहार गर्दै २० रन जोडेर पेविलियन फर्किए ।
यता, कप्तान साद बिन जफर ७, उदय भगवान र अर्का ओपनर नभनित धालिवाल समान ६–६, दिलोन हेलिगर २ र विकेटकिपर श्रेयस मोभ्भा १ रनमा पेविलियन फर्किए ।
शाहिद अहमदजायी ८ रनमा अविजित रहँदा इश्वरजोट सिंह सोही शुन्य रनमा पेविलियन फर्किए ।
क्यानडाले अतिरिक्त रुपमा १७ रन जोड्यो ।
क्यानडामाथि प्रतिस्पर्धात्मक जित निकाल्न नेपालका लागि कप्तान रोहित पौडेलले ८.५ ओभर बलिङ गर्दा २ मेडन राख्नेक्रममा २२ रन दिएर सर्वाधिक ४ विकेट लिँदा ललित राजबंशीले ८ ओभर बलिङ गर्दै ४१ रन खर्चिएर २ विकेट लिए ।
त्यस्तै, सोमपाल कामी, रिजन ढकाल, पवन सराफ र कुशल मल्लले समान १–१ विकेट लिए ।
त्यसअघि टस जित्दै पहिला ब्याटिङमा उत्रिएको नेपालले निर्धारित ५० ओभरको खेलमा अलआउट हुँदै २२४ रन जोड्यो ।
नेपालका लागि ओपनर ब्याट्सम्यान कुशल भुर्तेलले ५८ बलमा ९ चौका र १ छक्का प्रहार गर्दै सर्वाधिक ६२ रनको अर्धशतकिय पारी खेल्दा आरिफ शेखले ५० बल खेल्नेक्रममा ४ चौका प्रहार गर्दै ३८ रन जोड्दै पेविलियन फर्किए ।
त्यस्तै, सोमपाल कामीले २३ बलमा १ चौका र २ छक्का प्रहार गर्दै २७ रन जोडेर आउट हुँदा भिम सार्कीले २६ बल खेल्दै २ चौका प्रहार गरेर १७ रन जोडेर पेविलयन फर्किए ।
यता, कुशल मल्लले ३२ बलमा १ चौका र १ छक्का प्रहार गर्दै २० रन जोडेर आउट हुँदा पवन शराफले ३४ बलमा १ चौका प्रहार गरेर १५ रन जोड्दै पेविलियन फर्किए ।
नेपालका लागि कप्तान रोहित पौडेल र विकेटकिपर आसिफ शेखले समान ८–८ रन जोड्दा डेब्यु खेल खेलिरहेका रिजन ढकाल ४ र ललित राजबंशी २ रन बनाएर पेविलियन फर्किए ।
सुर्य तामाङ भने १० रनमा अविजित रहे ।
नेपालले अतिरिक्त रुपमा १४ रन जोड्यो ।
क्यानडाका लागि उदय भगवानले ८ ओभर बलिङ गर्नेक्रममा १ मेडन राख्दै ४० रन दिएर ३ विकेट लिँदा साद बिन जफरले १० ओभर बलिङ गर्दै ४४ रन खर्चिएर २ विकेट लिए ।
त्यस्तै, इश्वरजोत सिंह सोहीले ८ ओभर बलिङ गर्दै ३० रन दिएर २ विकेट लिँदा शाहिद अहमदजायी र हर्ष थाकेरले समान १–१ विकेट लिए ।
सिरिजअन्तर्गत दोस्रो खेल सनिवार हुनेछ ।
लेखक
