एजेन्सी । कासेरिनोमाथि संघर्षपूर्ण जित निकाल्दै रियल मड्रिड स्पेनिस कोपा डेल रेको अन्तिम १६ मा प्रवेश गरेको छ ।
मंगलवार राति भएको खेलमा मड्रिडले चौथौं श्रेणीको क्लब कासेरिनोमाथि १–० को संर्घषपूर्ण जित निकालेको हो ।
कासेरिनोको घरेलु मैदान प्रिन्सिप फिलिपेमा भएको खेलमा ६९ औं मिनेटमा रोड्रिगोले एकमात्र निर्णायक गोल गरेका थिए ।
रोड्रिगोलाई दानी सेबालोसले पास उपलब्ध गरेका थिए । स्पेनिस फुटबलको प्रतिष्ठित नकआउट प्रतियोगिता कोपा डेल रेअन्तर्गत अन्य खेलहरुमा ला लिगा क्लब लेभान्तेले गेटाफेमाथि ३–२ को जित निकाल्यो ।
भ्यालेन्सियाले ला नुसियामाथि ३–० को जित आत्मसाथ गर्दा रायो भाल्कोनो गिजोनसंग २–० ले स्तब्ध बन्यो ।
यता, भिल्लारियलले कार्तागेनामाथि ५–१ को फराकिलो जित रच्दा सेल्टाभिगो इस्पानियोलसंग ३–१ ले स्तब्ध बन्यो ।
लेखक
