एजेन्सी । संयुक्त राज्य अमेरिकामा जारी कोपा अमेरिकामाअन्तर्गत खेलमा अर्जेन्टिनाले पेरुमाथि सहज जित निकालेको छ ।
आईतवार विहान भएको खेलमा साविक विजेता अर्जेन्टिनाले पेरुमाथि २–० को सहज जित निकालेको हो ।
चोटका कारण कप्तान लियोनल मेसी अनुपस्थित खेलमा अर्जेन्टिनालाई जिताउन लाउटारो मार्टिनेजले दुबै गोल गरे ।
फ्लोरिडाको मियामीस्थित हार्ड रक स्टेडियममा भएको खेलमा दुबै गोल दोस्रो हाफमा सम्भव भयो ।
पहिलो हाफ गोलरहित बराबरीमा सकिएको खेलमा दोस्रो हाफको ४७ औं मिनेटमा एन्जेल डि मारियाको पासमा मार्टिनेजले गोल गर्दै साविक विजेता टोलीलाई १–० ले अघि बढाए ।
त्यसपछि ८६ औं मिनेटमा व्यक्तिगत रुपमा दोस्रो गोल गर्दा अर्जेन्टिना २–० ले विजयी भयो ।
सहज जितसंगै अर्जेन्टिनाले समूह चरणको तीनै खेल सक्दा सबैमा जित निकाल्दै ९ अंक जोडेर समूह ‘ए’ को विजेता बन्यो ।
पराजित पेरु भने तीन खेलमा एकमा बराबरी र दुईमा हारका साथ एक अंक जोडेर तालिकाको पुच्छारमा रह्यो ।
यता, आईतवार विहानै भएको सोहि समूहको अर्को खेलमा क्यानडा र चिल्लीले गोलरहित बराबरी खेलेका छन् ।
फ्लोरिडाको ओर्लान्डोस्थित इन्टर एन्ड को स्टेडियममा भएको खेल बराबरीमा सर्किसंगै दुबै टोलीले एक–एक अंक बाँडेका छन् ।
बराबरी नतिजासंगै क्यानडाले तीन खेलमा एकमा जित, एकमा बराबरी र एकमा हारसहित चार अंक जोड्दै तालिकाको दोस्रो स्थानमा रहँदै उपविजेता बन्दै अघिल्लो चरण प्रवेश गर्यो ।
समान तीन खेलमा दुईमा बराबरी र एकमा हार बेहोरेको चिल्ली भने दुई अंकसहित तालिकाको तेस्रोमा रहँदै प्रतियोगिताबाट बाहिरिएको छ ।
लेखक
