एजेन्सी । अर्जेन्टिनाले अमेरिकी महादेशको शीर्ष प्रतियोगिता कोपा अमेरिका क्यानडामाथि सहज जित निकालेको छ ।
शुक्रवार विहान भएको उद्घाटन खेलमा अर्जेन्टिनाले क्यानडामाथि २–० को सहज जित निकालेको हो ।
संयुक्त राज्य अमेरिकाको जर्जियास्थित मर्सिडिज बेन्ज रंगशालामा भएको खेलमा अर्जेन्टिनालाई जिताउन जुलियान अल्भारेज र लाउटारो मार्टिनेजले गोल गरे ।
पहिलो हाफ गोलरहित बराबरीमा सकिएको खेलमा दोस्रो हाफको ४९ औं मिनेटमा एलेक्सिस म्याक अलिस्टेरको पासमा अल्भारेजले गोल गर्दै अर्जेन्टिनालाई सुरुवाती अग्रता दिलाए ।
त्यसपछि ८८ औं मिनेटमा कप्तान लियोनल मेसीको पासमा मार्टिनेजले गोल थप्दा अर्जेन्टिना २–० ले विजयी भयो ।
सहज जितसंगै साविक विजेता टोलीले समूह ‘ए’ मा ३ अंक जोडेको छ ।
लेखक
