भक्तपुर । न्युजिल्यान्डका कप्तान केन विलियम्सनले टेस्ट क्रिकेटको कप्तानी छाडेका छन् ।
न्युजिल्यान्डले पाकिस्तान भ्रमण गर्नुअघि विलियम्सनले टेस्ट कप्तानी छाडेका हुन् । न्युजिल्यान्डको टेस्ट कप्तानी अब टिम साउथीले गर्ने छन् ।
पाकिस्तान र न्युजिल्यान्डबीच दुई टेस्ट र तीन ओडिआई खेलको सिरिज हुनेछ । पहिलो टेस्ट खेल २६ डिसेम्बर देखि सुरु हुनेछ । टेस्ट खेल भने विलियम्सनले खेल्नेछन् ।
विलियम्सन न्युजिल्यान्डका सर्वाधिक सफल कप्तान हुन् । उनको नेतृत्वमा न्युजिल्यान्डले ४० टेस्ट खेलमा २० मा जित, ८ मा बराबरी र १० खेलमा पराजय बेहोरेको छ ।
विलियम्सनकै कप्तानीमा गत वर्ष साउथह्याप्टनमा न्युजिल्यान्डले फाइनलमा भारतलाई ८ विकेटले हराउँदै पहिलो पटक भएको विश्वकप टेस्ट च्याम्पियनसिपको उपाधि जितेको थियो ।
विलियम्सनले टि–२० र ओडिआईमा भने कप्तानी गर्ने छन् ।
लेखक
