भक्तपुर । नेपालका कप्तान तथा गोलकिपर किरण कुमार लिम्बुको क्रीतिमानी १०० औं खेलमा नेपालले यमनसंग एएफसी विश्वकप छनोट खेलमा बराबरी खेलेको छ ।
मंगलवार राति भएको एसियाली छनोटअन्तर्गत दोस्रो चरणको अन्तिम खेलमा नेपालले यमनसंग २–२ गोलको बराबरी खेलेको हो ।
साउदी अरबियाको प्रिन्स मोहमेद बिन फाहद स्टेडियममा भएको खेलमा धेरै अर्थमा विशेष रह्यो ।
नेपाली कप्तान किरण राष्ट्रका लागि १०० खेल खेल्ने पहिलो खेलाडी बन्न सफल बन्यो ।
त्यस्तै जारी विश्वकप छनोटमा ५ खेल लगातार हारेको नेपालले छैटौं तथा अन्तिम खेलमा भने बराबरी नतिजा निकाल्न सक्यो ।
यसको अर्थ नेपालले विश्वकप छनोट यात्रा अंकको खाता खोल्दै सुखद अन्त्य गर्न सफल भएको छ ।
त्यसअघिका पाँच खेलमा नेपालले १८ गोल बेहोर्दा गोलको खाता नै खोल्न सकेको थिएन ।
यमनविरुद्व नेपालले सञ्जिब बिष्ट र जिलेस्पी जंग कार्कीमार्फत् दुई गोल गर्न सफल भयो ।
नेपालको विश्वकप छनोट यात्रा दोस्रो चरणमै सकिएपनि एसियन कप छनोट यात्रा भने कायमै रहेको छ ।
एसियन कपको तेस्रो चरणको खेलमा २४ एसियाली राष्ट्रको सहभागिता रहनेछ ।
लेखक
