एजेन्सी । अल नासेरले किंग्स कपअन्तर्गत खेलमा अल हाजेममाथि जित निकालेको छ ।
सोमवार राति भएको राउण्ड अफ ३२ अन्तर्गत खेलमा अल नासेरले अल हाजेममाथि २–१ को जित निकालेको हो ।
किंग अब्दुलाह स्पोर्ट सिटी रंगशालामा भएको खेलमा अल नासेरका लागि साडियो माने र नवाफ बु वाशिलले गोल गरे ।
पराजित टोलीका लागि भने बसिल अल सेयालीले एक गोल फर्काए ।
कप्तान क्रिस्चियानो रोनाल्डोबिना मैदान उत्रिएको अल नासेरले पहिलो हाफको इन्जुरी समयको छैटौं मिनेटमा गोल गर्दै १–० ले अघि बढाए ।
तर, दोस्रो हाफको ६२ औं मिनेटमा इब्राहिमा एनडिएको पासमा बसिलले अल हाजेमका लागि गोल फर्काउँदा खेल १–१ को बराबरीमा आयो ।
यता, खेलको इन्जुरी समयको दोस्रो मिनेटमा नवाफले गोल गर्दा अल नासेर २–१ ले विजयी भयो ।
जितसंगै अल नासेर प्रतियोगिताको अघिल्लो चरण प्रवेश गरेको छ ।
लेखक
