भक्तपुर । काठमाडौंमा जारी नेपाल टि–२० क्रिकेट लिगअन्तर्गत इलिमिनेटर खेलमा विराटनगर सुपर किंग्सले काठमाडौं नाइट्समाथि जित हात पार्दै क्वालिफायर २ मा स्थान पक्का गरेको छ ।
सोमवार भएको खेलमा विराटनगरले काठमाडौं नाइट्सलाई ९९ रनले पराजित गरेको हो ।
क्रितिपुरस्थित टियू क्रिकेट मैदानमा भएको खेलमा १८३ रनको विजयी लक्ष्यका साथ जवाफी ब्याटिङमा उत्रिएको काठमाडौं १२.४ ओभरमा अलआउट हुँदै ८३ रनमा समेतियो ।
काठमाडौका लागि कप्तान ज्ञानेन्द्र मल्लले १३ बलमा सर्वाधिक १५ रन जोडे । त्यस्तै, लोकेश बमले १३, कमल सिंह ऐरीले १० रन जोड्दा अन्य ब्याट्सम्यानले दोहोरो अंक्मा रन जोड्न सकेन ।
सन्तोष कार्कीले ८, बसिर अहम्मदले ५ तथा सन्दिप रजाली र सुनाम गौतम समान ४ रनमा आउट भए ।
काठमाडौंलाई सस्तैमा समेत्न विराटनगरका सुर्य तामाङले सर्वाधिक ४ विकेट लिए । त्यस्तै, केइअन जोसेप र शाहब अलामले २–२ विकेट लिँदा हुसेन तलातले १ विकेट लिए ।
त्यसअघि टस जितिर पहिला ब्याटिङमा उत्रिएको विराटनगरले निर्धारित २० ओभर खेल्दै ६ विकेटको क्षतिमा १८२ रन बनाएको थियो ।
विराटनगरका लागि कप्तान रोहित पौडेलले ४९ बलमा सर्वाधिक ६१ रन बनाए । रोहित खेलको प्लेयर अफ द म्याच समेत घोषित भए ।
त्यस्तै, हुसेन तलातले २३ बलमा ३८ रन जोड्दा राज ननानले १७ बलमा २३ रन बनाए । अन्य ब्याटरले दोहोरो अंकमा रन जोड्न सकेन ।
काठमाडौंका लागि कमल सिंह ऐरी र अनिल खरेलले २–२ विकेट लिए । त्यस्तै, गौतम केसी र अभिनाश बोहराले १–१ विकेट लिए ।
पराजयसंगै काठमाडौं लिगबाट बाहिरिएको छ । अब विराटनगरले क्वालिफायर २ मा फाइनल प्रवेशका लागि जनकपुर रोयल्ससंग प्रतिस्पर्धा गर्नेछ ।
लेखक
