भक्तपुर । काठमाडौंमा जारी नेपाल टि–२० क्रिकेट लिगको आठौं खेलमा उत्कृष्ट ब्याटिङसँगै काठमाडौं नाइट्सले जनकपुर रोयल्समाथि ५३ रनको जित हात पारेको छ ।
जितको लागि २ सय ९ रनको विशाल विजयी लक्ष्य पछ्याएको रोयल्सले निर्धारित २० ओभरमा १ सय ५५ रनमा अल आउट भयो ।
जनकपुरका सामिउल्लाह शिनवारीले २७ बलमा २ चौका र १ छक्कासहित २९ रनमा बनाए ।
त्यस्तै, सन्दीप जोराले १२ बलमा १ चौका र २ छक्कासहित २६ रन जोड्दै आउट भए । पवन २४, चाडविक वाल्टन ९, शराफुद्दिन अशरफ १९ र आदिल आलम १६ रन बनाउँदैआउट भए ।
यता, जितेन्द्र मुखिया १३, राजेश पुलामी ७ र सोमपाल कामी ६ रन बनाउँदै आउट भए । काठमाडौंका लागि आजमतुल्लाह ओमरजाईले ३ विकेट लिए ।
त्यस्तै, बसिर अहम्मदले २ विकेट लिए । सुनाम गौतम, अभिनाश बोहरा, कमलसिंह ऐरी र अनिल खरेल १–१ विकेट लिए ।
त्यसअघि क्रितिपूरस्थित टियू क्रिकेट मैदानमा टस जितेर पहिला ब्याटिङ थालेको काठमाडौंले निर्धारित २० ओभरमा ६ विकेटको क्षतिमा २ सय ८ को विशाल रन बनाएको थियो ।
काठमाडौंका एलेक्स ब्लेकले ४३ बलमा ४ चौका र ७ छक्कासहित सर्वाधिक सर्वाधिक ८३ रन जोडे । विरनदीप सिंह अर्धशतक बनाउँन मात्र १ रनले चुके । उनले ३४ बलमा ७ चौका र १ छक्कासहित ४९ रन बनाएका थिए ।
ओमरजाई १५ बलमा १ चौका र ४ छक्कासहित ४३ रनमा अविजित रहे । कप्नान ज्ञानेन्द्र मल्ल १ रनमै आउट भए ।
जनकपुरका लागि पवन सरार्फले २ विकेट लिए । त्यस्तै, सोमपाल कामी, मोहम्मद आदिल आलम जितेन्द्र मुखिया र सराफुद्धिन अशरफले समान १–१ विकेट हात पारे ।
बुधवार पनि दुई खेल हुँदैछ । भोली पहिलो खेलमा फार वेस्ट युनाइटेडले लुम्बिनी अल स्टार्ससंग प्रतिस्पर्धा गर्नेछ । त्यस्तै, विराटनगर सुपरकिंग्सले पोखरा एभेन्जर्ससंग खेल्नेछ ।
लेखक
