एजेन्सी । इटालियन सिरी ए अन्तर्गत खेलमा नापोलीले काग्लियारीमाथि जित हासिल गरेको छ ।
सनिवार राति भएको खेलमा साविक विजेतासमेत रहेको नापोलीले काग्लियारीमाथि २–१ को जित हासिल गरेको हो ।
नापोलीको घरेलु मैदान डिएगो म्यारेडोना रंगशालामा भएको खेलमा सबै गोल दोस्रो हाफमा सम्भव भयो ।
दोस्रो हाफको ६९ औं मिनेटमा मारियो रुईको पासमा भिक्टर ओसमानले गोल गर्दै घरेलु टोलीलाई सुरुवाती अग्रता दिलाए ।
तर, ७२ औं मिनेटमा लिओनार्डो पाभोलेटीको गोलमार्फत भ्रमणकारी टोली १–१ को बराबरीमा फर्कियो ।
त्यसको तीन मिनेटपछि नै ७५ औं मिनेटमा भिक्टर ओसमानको पासमा किभिचा क्भारात्स्खेलाले गोल गर्दा नापोली २–१ ले विजयी भयो ।
जितसंगै नापोलीले १६ खेलमा २७ अंक जोड्दै लिग तालिकाको चौथौं स्थानमा उक्लेको छ ।
पराजित काग्लियारीको भने समान खेलमा १३ अंक रहेको छ ।
काग्लियारी तालिकाको १६ औं स्थानमा रहेको छ ।
लेखक
