एजेन्सी । युरोपेली क्लब फुटबलको तेस्रो श्रेणीको प्रतियोगिता युईएफए कन्फेरेन्स लिगमा चेल्सीले सहज जित निकालेको छ ।
विहिवार राति भएको खेलमा बलियो इंग्लिस क्लब चेल्सीले जर्मन क्लब हैदेनहैममाथि २–० को सहज जित निकालेको हो ।
जर्मन क्लबको घरेलु मैदान भोइथ एरिना रंगशालामा भएको खेलमा भ्रमणकारी टोली चेल्सीलाई जिताउन क्रिस्टोफर एनकोकु र मेखाइलो मुड¥याकले गोल गरे ।
पहिलो हाफ गोलरहित बराबरीमा सकिएको खेलमा दोस्रो हाफको ५१ औं मिनेटमा एनकोकुले गोल गर्दै इंग्लिस क्लबलाई १–० ले अघि बढायो ।
त्यसपछि ८६ औं मिनेटमा जोडन सान्चोको पासमा मुड¥याकले गोल थप्दा चेल्सी २–० ले विजयी भयो ।
सहज जितसंगै चेल्सीले ४ खेलबाट शतप्रतिशत जितका साथ १२ अंक जोडेर लिग तालिकाको शीर्ष स्थानमा कायम रहेको छ ।
पराजित जर्मन क्लबको भने समान ४ खेलमा ९ अंकसहित तालिकाको ९ औं स्थानमा झरेको छ ।
लेखक
