एजेन्सी । युरोपेली क्लब फुटबलको तेस्रो श्रेणीको प्रतियोगिता युईएफए कन्फेरेन्स लिगमा चेल्सीले फराकिलो जित रचेको छ ।
विहिवार राति भएको खेलमा इंग्लिस क्लब चेल्सीले अर्मेनियन क्लब नुहमाथि ८–० को एकपक्षिय फराकिलो जित रचेको हो ।
लण्डन क्लबको घरेलु मैदान स्टामफोर्ड ब्रिड्ज रंगशालामा भएको खेलमा घरेलु टोलीका लागि जाओ फिलिक्स र क्रिस्टोफर एनकोकुले दुई–दुई गोल गर्दा टोसिन अडाराबायोयो, मार्क गुइयु, एक्सल डिसासी र म्याखाइलो मुड¥याकले एक–एक गोल थपे ।
खेल सुरु भएको १२ औं मिनेटमा इन्जो फर्नान्डेजको पासमा टोसिनले गोल गर्दै घरेलु टोलीले सुरुवाती अग्रता लियो ।
त्यसको एक मिनेटपछि नै गुइयुले गोल थप्दा चेल्सी २–० ले अघि बढ्यो ।
त्यस्तै, १८ औं मिनेटमा फर्नान्डेजकै पासमा डिसासीले गोल गर्दा इंग्लिस क्लब ३–० ले अघि बढ्दा २१ औं मिनेटमा फर्नान्डेजको ह्याट्रिक असिस्टमा फेलेक्सले गोल गर्दा चेल्सी ४–० ले अघि बढ्यो ।
यता, ३९ औं मिनेटमा एनकोकुको पासमा मुड¥याकले गोल गर्दा चेल्सी ५–० ले अघि बढ्यो भने ४१ औं मिनेटमा डिसासीको पासमा फेलेक्सले गोल थप्दा लण्डन क्लब पहिलो हाफसम्ममा ६–० को फराकिलो अग्रतामा अघि बढ्यो ।
दोस्रो हाफको ६९ औं मिनेटमा एनकोकुले गोल थप्दा प्रिमियर लिग क्लब ७–० ले अघि बढ्यो ।
त्यस्तै, ७६ औं मिनेटमा एनकोकुले नै पेनाल्टीमा गोल थप्दा चेल्सी ८–० ले विजयी भयो ।
फराकिलो जितसंगै चेल्सीले ३ खेलबाट शतप्रतिशत जितसहित ९ अंक जोडेर कन्फेरेन्स लिगको तालिकाको शीर्ष स्थानमा कायम रहेको छ ।
पराजित अर्मेनियन क्लबको समान ३ खेलमा ३ अंकसहित तालिकाको २८ औं स्थानमा झरको छ ।
लेखक
