एजेन्सी । साविक विजेता रियल मड्रिडले स्पेनिस ला लिगामा ओसासुनामाथि जित हात पारेको छ ।
सनिवार राति भएको खेलमा रियल मड्रिडले घरेलु टोली ओसासुनामाथि २–० को जित हात पारेको हो ।
एल सदार रंगशालामा भएको खेल पहिलो हाफ गोलरहित बराबरीमा सकिएको थियो । दोस्रो हाफको ७८ औं मिनेटमा भिनिसियस जुनियरको पासमा फडेरिको भालभार्डेको गोल गर्दै मड्रिडलाई खेलमा १–० को अग्रता दिलाएका थिए ।
त्यसपछि निर्धारित ९० मिनेटपछि थपिएको अतिरिक्त समयको दोस्रो मिनेटमा मार्को असेन्सियोले गोल थप्दै मड्रिडको जित पक्का गरे । त्यसअघि भिनिसियस जुनियरले ९० औं मिनेटमा गरेको गोललाई भिएआरले मान्यता दिएन ।
जितसंगै मड्रिडले २२ खेलमा ५१ अंक बनाएको छ । मड्रिड ला लिगाको दोस्रो स्थानमा छ । पराजित ओसासुनाको २२ खेलमा ३० अंक छ । आसासुना लिग तालिकाको १० औं स्थानमा रहेको छ ।
गयराति नै भएको अन्य ला लिगा खेलहरुमा जिरोनाले अल्मेरियामाथि ६–२ को फराकिलो जित निकाल्दा रियल सोसिडाड र सेल्टाभिगोले १–१ को बराबरी खेलेका छन् ।
त्यस्तै, रियल बेटिसले रियल भल्लादोलीदमाथि २–१ को जित निकाल्दा मालरोकाले भिल्लारियलमाथि ४–२ को जित हात पार्यो ।
लेखक
