एजेन्सी । साविक विजेता इंग्ल्याण्डले आईसीसी टि–२० विश्वकपअन्तर्गत खेलमा एसोसियट राष्ट्र ओमानमाथि सहज जित निकालेको छ ।
विहिवार राति भएको खेलमा बलियो इंग्ल्याण्डले तुलनात्मक रुपमा कमजोर प्रतिद्वन्दी ओमानमाथि ८ विकेटको सहज जित निकालेको हो ।
सहज जितसंगै इंग्ल्याण्डले दोस्रो चरण पुग्ने सम्भावना कायमै राखेको छ ।
समूह ‘बी’ मा ३ खेलबाट १ मा जित १ मा बराबरी र १ मा हारको नतिजासहित ३ अंक जोड्दै तालिकाको तेस्रो स्थानमा कायम रहेको छ ।
पराजित ओमानले भने समूह चरणका सबै ४ खेल खेलिसक्दा सबैमा हार बेहोर्यो ।
वेस्ट इन्डिजको सर भिभान रिर्चाड्स स्टेडियममा भएको खेलमा ४८ रनको सामान्य विजयी लक्ष्यका साथ जवाफी ब्याटिङमा उत्रिएको इंग्ल्याण्डले मात्र ३.१ ओभरमा २ विकेट गुमाउँदै ५० रन जोड्यो ।
इंग्ल्याण्डको जितमा कप्तान तथा विकेटकिपर जोस बटलरले ८ बलमा ४ चौका र १ छक्का प्रहार गर्दै २४ रन जोडेर अविजित रहँदा ओपनर ब्याट्सम्यान फिल साल्टले ३ बल खेल्दै २ छक्का प्रहार गर्दै १२ रन जोडेर पेविलियन फर्किए ।
त्यस्तै, जोनी बाइस्ट्रोले २ बलमा २ चौका प्रहार गर्दै ८ रन जोडेर अविजित रहँदा विल ज्याक्सले ७ बल खेल्दै १ चौका मद्दतमा ५ रन जोडेर पेविलियन फर्कियो ।
साविक विजेता टोलीले अतिरित्तः रुपमा १ रन जोड्यो ।
ओमानका लागि बलाल खान र कालेमुल्लाहले समान १–१ विकेट लिए ।
त्यसअघि टस जितेको इंग्ल्याण्डले ओमानलाई पहिला ब्याटिङमा निम्त्यायो ।
ओमानका लागि सोयाब खानले २३ बलमा १ चौका मद्दतमा ११ रन जोड्दै आउट हुँदा अन्य कुनैपनि ब्याट्सम्यानले दोहोरो अंकमा रन जोड्न सकेनन् ।
कश्यप प्रजापति ९, कप्तान कप्तान अकिब इलियास ८, विकेटकिपर प्रतिक अथाभाले र कालेम्मुलाह समान ५–५, फायाज बुट २, जिशान मकसुद, खालिद खाइल र आयान खान १–१ रनमा पेविलियन फर्किए ।
यता, मेहरान खान र बिलाल खानले अंकको खाता नै खोल्न सकेनन् ।
ओमानले अतिरिक्त रुपमा ४ रन जोड्यो ।
ओमानलाई सस्तैमा अलआउट गर्न इंग्ल्याण्डका लागि अदिल राशिदले ४ अोभर बलिङ गर्दै ११ रन दिएर सर्वाधिक ४ विकेट लिँदा मार्क उडले ३ अोभर बलिङ गर्दै १२ रन दिएर ३ विकेट लिए ।
त्यस्तै, जोर्फा आचरले ३.२ ओभर बलिङ गर्नेक्रममा १ मेडनसहित १२ रन दिएर ३ विकेट लिए ।
लेखक
