एजेन्सी । अफगानिस्तानले एकदिवसिय अन्तर्राष्ट्रिय सिरिज (ओडिआई सिरिज) अन्तर्गत खेलमा आयरल्याण्डलाई पराजित गरेको छ ।
विहिवार राति भएको खेलमा अफगानिस्तानले आयरल्याण्डलाई ३५ रनले पराजित गरेको हो ।
योसंगै ३ खेलको सिरिजमा अफगानिस्तानले १–० को अग्रता लिएको छ ।
युनाइटेड अरब इमिरेट्स (युएई) को सारजाह क्रिकेट रंगशालामा भएको खेलमा ३११ रनको विजयी लक्ष्यका साथ जवाफी ब्याटिङमा उत्रिएको आयरल्याण्ड निर्धारित ५० ओभरको खेलमा ८ विकेट गुमाउँदै २७५ रनमा समेतिएसंगै अफगानिस्तान ३५ रनले विजयी भयो ।
आयरल्याण्डका लागि ह्यारी टेक्टरले १४७ बलमा ९ चौका र ३ छक्का प्रहार गर्दै सर्वाधिक १३८ रनको शतकिय पारी खेल्दा विकेटकिपर लोर्कान टक्टरले ७६ बलमा ८ चौका र २ छक्का प्रहार गर्दै ८५ रनको अर्धशतकिय पारी खेले ।
यता, आयरल्याण्डका अन्य कुनैपनि ब्याट्सम्यानले दोहोरो अंकमा रन जोड्न सकेनन् ।
ग्राहम हुम ९ रनमा अविजित रहँदा थियो भान वएर्कम २ रनमा अविजित रहे ।
त्यस्तै, कर्टिस काम्पफेर ९, कप्तान पाउल स्टिर्लिङ र जर्ज डकरेल समान ५–५, एन्ड्रेयु बालबिरनेई र मार्क अडाइर ४–४ रन जोड्दै पेविलियन फर्किए ।
आयरल्याण्डले अतिरिक्त रुपमा १४ रन जोड्यो ।
आयरल्याण्डलाई सस्तैमा समेत्दै जित निकाल्न अफगानिस्तानका लागि फजलहक फारुकीले सर्वाधिक ४ विकेट लिँदा अज्मतुल्लाह ओमरजाईले २ विकेट लिए ।
त्यस्तै, गुलबदिन नैब र नुर अहमदले समान १–१ विकेट लिए ।
त्यसअघि टस हारेर पहिला ब्याटिङमा उत्रिएको अफगानिस्तानले निर्धारित ५० ओभरको खेलमा ५ विकेट गुमाउँदै ३१० रन जोड्यो ।
अफगानिस्तानका लागि ओपनर रहमानुल्लाह गुरबाजले ११७ बलमा ८ चौका र ६ छक्का प्रहार र्गै १२१ रनको शतकिय पारी खेल्दा अर्का ओपनर इब्राहिम जदरानले ९३ बल खेल्दै ४ चौका र २ छक्का प्रहार गर्दै ६० रनको अर्धशतकिय पारी खेले ।
त्यस्तै, कप्तान गुलबदिन नाइबले ३३ बलमा ६ चौका र १ छक्का प्रहार गर्दै ५० रनको अर्धशतक बनाउँदा मोहम्मद नाबीलृे २७ बलमा ३ चौका र २ छक्का प्रहार गर्दै ४० रन जोडेर आउट भए ।
यता, हश्मतुल्लाह शाहिदीले २० बलमा १ छक्का मद्दतमा १९ रन जोडेर आउट हुँदा रहमत शाह भने २ रनमा पेविलियन फर्किए ।
गुलबदिन नाइब भने ८ रनमा अविजित रहे ।
अफगानिस्तानले अतिरिक्त रुपमा १० रन जोड्यो ।
आयरल्याण्डका लागि थियो भान वयरकोमले ३ विकेट लिँदा ग्राहम हुम र क्राइग योङ्गले समान १–१ विकेट लिए ।
सिरिजअन्तर्गत दोस्रो खेल सनिवार हुनेछ ।
लेखक
