एजेन्सी । श्रीलंकाले तीन खेलको एकदिवसिय अन्तर्राष्ट्रिय (ओडिआई) सिरिज अन्तर्गत दोस्रो खेलमा भारतलाई हराएको छ ।
आईतवार भएको खेलमा श्रलंकाले भारतलाई ३२ रनले हराएको हो ।
योसंगै सिरिजमा श्रीलंकाले १–० को अग्रता लिएको छ ।
यसअघि भएको सिरिजअन्तर्गत पहिलो खेल बराबरीमा सकिएको थियो ।
श्रीलंकाको कोलोम्बोस्थित आर. प्रेमादासा अन्तर्राष्ट्रिय क्रिकेट रंगशालामा भएको खेलमा २४१ रनको विजयी लक्ष्यका साथ जवाफी ब्याटिङमा उत्रिएको भारत ४२.२ ओभरमा अलआउट हुँदा मात्र २०८ रनमा समेतियो ।
भारतका लागि कप्तान रोहित शर्माले ४४ बलमा ५ चौका र ४ छक्का प्रहार गर्दै सर्वाधिक ६४ रनको अर्धशतकिय पारी खेल्दा अक्षर पटेलले ४४ बल खेल्नेक्रममा ४ चौका र २ छक्का प्रहार गर्दै ४४ रन जोडेर पेविलियन फर्किए ।
त्यस्तै, शुभमन गिलले ४४ बलमा ३ चौका प्रहार गर्दै ३५ रन जोडेर आउट हुँदा वासिङटन सुन्दरले ४० बलको सामना गर्दा १५ रन जोडेर पेविलियन फर्किए ।
यता, विराट कोहोलीले १९ बलमा २ चौका प्रहार गर्दै १४ रन जोडेर आउट हुँदा श्रेयस ऐयर ७, मोहम्मद सिराज ४ र अर्शदिप सिंह ३ रनमा पेविलियन फर्किए ।
कुलदिप यादव ७ रनमा अविजत रहँदा विकेटकिपर केएल राहुल र शिभम् दुबे शुन्य रनमा पेविलियन फर्किए ।
भारतले अतिरिक्त रुपमा १५ रन जोड्यो ।
भारतलाई अलआउट गर्दै जित रच्न श्रीलंकाका लागि जेफ्री भानडेरसेले १० ओभर बलिङ गर्दै ३३ रन दिएर सर्वाधिक ६ विकेट लिए ।
त्यस्तै, कप्तान चरिथ असलंकाले ६.२ ओभरमा २ मेडनसहित २० रन दिएर ३ विकेट लिए ।
त्यसअघि टस जितेर पहिला ब्याटिङमा उत्रिएको श्रीलंकाले निर्धारित ५० ओभरको खेलमा ९ विकेट गुमाउँदै २४० रन जोड्यो ।
घरेलु टोलीका लागि अभिषेका फेर्नान्डोले ६२ बलमा ५ चौका प्रहार गर्दै ४० रन जोडेर आउट हुँदा कामिन्दु मेन्डिसले ४४ बल खेल्नेक्रममा ४ चौका प्रहार गर्दै ४० रन जोडेर रनआउट भए ।
त्यस्तै, दुनिथ वेल्लालागेले ३५ बलमा १ चौका र २ छक्का ्रहार गर्दै ३९ रन जोडेर आउट हुँदा विकेटकिपर कुशल मेन्डिसले ४२ बल खेल्नेक्रममा ३ चौका प्रहार गर्दै ३० रन जोडेर पेविलियन फर्किए ।
चरिथ असलंकाले ४२ बलमा ३ चौका प्रहार गर्दै २५ रन जोडेर आउट हुँदा अलिका धनन्जयले १३ बल खेल्दै २ चौका प्रहार गरेर १५ रन जोडेर रनआउट भए ।
यता, सदिरा समराविक्रमाले ३१ बलमा १ चौका प्रहार गर्दै १४ रन जोडेर आउट हुँदा जनिथ लियानेजले २९ बल खेल्नेक्रममा १२ रन जोडेर पेविलियन फर्किए ।
जेफ्री भानडेरसे १ रनमा अविजित रहँद पाथुम निस्संका शुन्य रनमा पेविलियन फर्किए ।
श्रीलंकाले अतिरिक्त रुपमा २४ रन जोडेयो ।
भारतका लागि वासिङटन सुन्दरले १० ओभर बलिङ गर्दै १ मेडनसहित ३० रन दिएर ३ विकेट लिँदा कुलदिप यादवले २, अक्षर पटेल र मोहम्मद सिराजले १–१ विकेट लिए ।
लेखक
