एजेन्सी । न्युजिल्याण्डविरुद्वको एकदिवसिय अन्तर्राष्ट्रिय श्रीङखला (ओडिआई सिरिज) मा श्रीलंकाले विजयी सुरुवात गरेको छ ।
बुधवार राति भएको खेलमा श्रीलंकाले न्युजिल्याण्डलाई डिएलएस पद्दतिमा ४५ रनले हराउँदै सिरिजमा विजयी सुरुवात गरेको हो ।
योसंगै ३ खेलको सिरिजमा श्रीलंकाले १–० को अग्रता बनाएको छ ।
श्रीलंकाको दमबुल्लास्थित रनगिरि दमबुल्ला अन्तर्राष्ट्रिय क्रिकेट रंगशालामा भएको खेलमा डिएलएस पद्दतिमार्फत् प्राप्त २२१ रनको विजयी लक्ष्य पछ्याएको भ्रमणकारी टोलीले २७ ओभरमा ९ विकेट गुमाउँदै मात्र १७५ रन जोड्न सक्यो ।
दोस्रो इनिङ्समा वर्षाले खेल प्रभावित बनेपछि निर्धारित ५० ओभरबाट २७ ओभरमा झार्दै ३२५ रनको लक्ष्यलाई डिएलएस पद्दतीबाट १७५ रनमा झारिएको थियो ।
न्युजिल्याण्डका लागि ओपनर ब्याट्सम्यान विल योङ्गले ४६ बलमा ८ चौका प्रहार गरेर ४८ रन जोड्दा अर्का ओपनर टिम रोविन्सनले ३६ बल खेल्दै ४ चौका प्रहार गरेर ३५ रन जोडेर पेविलियन फर्किए ।
त्यस्तै, माइकल ब्रेसवेलले ३२ बलमा ५ चौका प्रहार गर्दै ३४ रन जोडेर अविजित रहँदा विकेटकिपर मिट्चेल हेले ९ बल खेल्नेक्रममा १ छक्का प्रहार गरेर १० रन जोड्दै पेविलियन फर्किए ।
यता, कप्तान मिट्चेल सान्टेनर, ग्लिन फिलिप्स र नाथान स्मिथ ९–९, हेनरी निकोल्स ६ तथा मार्क चापम्यान २ रनमा पेविलियन फर्किदा इश सोधी शुन्य रनमा पेविलियन फर्किए ।
जाकोब दुफी भने ४ रनमा अविजित रहे ।
न्युजिल्याण्डले अतिरिक्त रुपमा ९ रन जोड्यो ।
भ्रमणकारी टोलीमाथि जित निकाल्न श्रीलंकाका लागि दिलशान मधुशंकाले ३ विकेट लिँदा कप्तान चरिथ असलंका र महेश थिकशानाले २–२ तथा जेफ्रे भानडेर्सेले १ विकेट लिए ।
त्यसअघि टस जितेर पहिला ब्याटिण्मा उत्रिएको श्रीलंकालृे निर्धारित ५० ओभरको खेलमा ५ विकेट गुमाएर ३२४ रनको विशाल योगफल तयार गर्यो ।
घरेलु टोलीका लागि विकेटकिपर कुसल मेन्डिसले १२८ बलमा १७ चौका र २ छक्का प्रहार गर्दै सर्वाधिक १४३ रनको शतकिय पारी खेल्दा ओपनर ब्याट्सम्यान अभिष्का फेर्नान्डोले ११५ बल खेल्नेक्रममा ९ चौका र २ छक्का प्रहार गर्दै १०० रनको शतकिय पारी खेले ।
त्यस्तै, चरिथ असलंकाले २८ बलमा ३ चौका र २ छक्का प्रहार गर्दै ४० रन जोडेर आउट हुँदा अर्का ओपनर पाथुम निस्सांकाले १० बल खेल्नेक्रममा ३ चौका प्रहार गर्दै १२ रन जोडेर पेविलियन फर्किए ।
यता, जनिथ लियानागेले १३ बलमा २ चौका प्रहार गर्दै १२ रन जोडेर अविजित रहँदा सदिरा समराविक्रमाले ५ रन बनाएर पेविलियन फर्किए ।
श्रीलंकाले अतिरिक्त रुपमा १२ रन जोड्यो ।
न्युजिल्याण्डका लागि जाकोब दफीले ३ विकेट लिँदा माइकल ब्रेसवेल र इश सोधीले १–१ विकेट लिए ।
लेखक
