एजेन्सी । भारत र श्रीलंकाबीचको एकदिवसिय अन्तर्राष्ट्रिय (ओडिआई) सिरिजअन्तर्गत पहिलो खेल बराबरीमा सकिएको छ ।
शुक्रवार भएको सिरिजअन्तर्गत पहिलो खेल बराबरीमा सकिएको हो ।
३ खेलको सिरिजमा अब दुई खेल बाँकी छ ।
श्रीलंकाको कोलोम्बोस्थित आर. प्रेमादासा अन्तर्राष्ट्रिय क्रिकेट रंगशालामा भएको खेलमा २३१ रनको विजयी लक्ष्यका साथ जवाफी ब्याटिङमा उत्रिएको भारत ४७.५ ओभरमा अलआउट हुँदा २३० रनमा रोकियो ।
भारतका लागि कप्तान रोहित शर्माले ४७ बलमा ७ चौका र ३ छक्का प्रहार गर्दै ५८ रनको अर्धशतकिय पारी खेल्दा अक्षर पटेलले ५७ बल खेल्नेक्रममा २ चौका र १ छक्का प्रहार गर्दै ३३ रन जोडेर पेविलियन फर्किए ।
विकेटकिपर केएल राहुलले ४३ बलमा २ चौका प्रहार गर्दै ३१ रन जोडेर आउट हुँदा श्रेयस ऐयरले २३ बल खेल्नेक्रममा ४ चौका प्रहार गर्दै २३ रन जोडेर पेविलियन फर्किए ।
त्यस्तै, सिभम् दुबेले २४ बलमा १ चौका र २ छक्का प्रहार गर्दै २५ रन जोडेर आउट हुँदा विराट कोहलीले ३२ बल खेल्दै २ चौका प्रहार गरेर २४ रन जोड्दै पेविलियन फर्किए ।
यता, शुभमन गिलले ३५ बल खेल्नेक्रममा २ चौका प्रहार गर्दै १६ रन जोडेर आउट हुँदा वासिङटन सुन्दर ५, कुलदिप यादव २ र अर्शदिप सिंह शुन्य रनमा पेविलियन फर्किए ।
मोहम्मद सिराज भने ५ रनमा अविजित रहे ।
भारतले अतिरिक्त रुपमा ८ रन जोड्यो ।
भारतलाई अलआउट गर्न श्रीलंकाका लागि कप्तान चरिथ असलंका र वानिन्दु हसरंगाले समान ३–३ विकेट लिँदा दुनिथ वेल्लालागेले २ तथा असिथा फेर्नान्डो र अलिका धनन्जयले समान १–१ विकेट लिए ।
त्यसअघि टस जितेर पहिला ब्याटिङमा उत्रिएको श्रीलंकाले निर्धारित ५० ओभरको खेलमा ८ विकेट गुमाएर २३० रन जोड्यो ।
श्रीलंकाका लागि दुनिथ वेल्लालागेले ६५ बल खेल्नेक्रममा ७ चौका र २ छक्का प्रहार गर्दै सर्वाधिक ६७ रन जोडेर अविजित रहँदा पाथुम निस्संकाले ७५ बलमा ९ चौका प्रहार गर्दै ५६ रनको अर्धशतकिय पारी खेले ।
त्यस्तै, वानिन्दु हसरंगाले ३५ बलमा १ चौका र २ छक्का प्रहार गर्दै २४ रन जोडेर आउट हुँदा जनिथ लियनागेले २६ बल खेल्नेक्रममा १ चौका र १ छक्का प्रहार गर्दै २० रन जोडेर पेविलियन फर्किए ।
यता, अकिला धनन्जयले २१ बलमा २ चौका प्रहार गरेर १७ रन जोड्दै आउट हुँदा कप्तान चरिथ असलंकाले २१ बल खेल्नेक्रममा २ चौका प्रहार गर्दै १४ रन जोडेर पेविलियन फर्किए ।
सदिरा समराविक्रमा ८ र अभिषेका फेर्नान्डो १ रनमा आउट हुँदा मोहमेद शिराज १ रनमा अविजित रहे ।
श्रीलंकालृे अतिरिक्त रुपमा ८ रन जोड्यो ।
भारतका लागि अक्षर पटेल र अर्शदिप सिंहले समान २–२ विकेट लिँदा मोहम्मद सिराज, सिभम् दुवे, कुलदिप यादव र वासिङटन सुन्दरले १–१ विकेट लिए ।
लेखक
