एजेन्सी । एसियाली क्लब फुटबलको शीर्ष प्रतियोगिता एएफसी च्याम्पियन्स लिगमा अल नासेरले जित निकालेको छ ।
सोमवार राति भएको खेलमा साउदी क्लब अल नासेरले कतारी क्लब रायानमाथि २–१ को जित निकालेको हो ।
साउदी क्लबको घरेलु मैदान अल आवाल पार्क एट किंग साउद युनिभर्सिटी रंगशालामा भएको खेलमा घरेलु टोलीलाई जिताउन कप्तान क्रिचियानो रोनाल्डो र साडियो मानेले गोल गरे ।
पराजित भ्रमणकारी टोलीका लागि भने रोगर गुइडेसले एक गोल फर्काए ।
पहिलो हाफको इन्जुरी समयको पहिलो मिनेटमा सुल्टान अल घनामको पासमा मानेले गोल गर्दै घरेलु टोलीलाई १–० ले अघि बढाए ।
त्यसपछि दोस्रो हाफको ७६ औं मिनेटमा अब्दुलरहमान घरिबको पासमा रोनाल्डोले गोल थप्दै साउदी क्लबलाई २–० ले अघि बढाए ।
यता, खेलको अन्त्यतिर ८७ औं मिनेटमा अचरफ बेनचार्कीको पासमा गुइडेसले कतारी क्लबका लागि गोल फर्काए तापनि हार भने तार्न प¥याप्त रहेन ।
महत्वपूर्ण जितसंगै अल नासेरले च्याम्पियन्स लिगको ग्रुप लिग स्टेज वेस्टको तालिकामा २ खेलबाट ४ अंक जोड्दै तेस्रो स्थानमा उक्लेको छ ।
कतारी क्लबले भने लिग तालिकामा अंकको खाता खोल्न सकेको छैन ।
लेखक
