भक्तपुर । एसियाली फुटबलको शीर्ष प्रतियोगिता एएफसी एसियन कप भोली अर्थात् शुक्रवारदेखि कतारमा सुरु हुँदैछ ।
१८ औं संस्करणको एसियाली फुटबलको शीर्ष प्रतियोगितामा एसियाका २४ राष्ट्रहरु सहभागी हुँदैछन् ।
एसियाली फुटबल महासंघ (एएफसी) को आयोजनामा हुने प्रतियोगितामा सहभागी हुने राष्ट्रहरुलाई ६ समूहमा विभाजन गरिएको छ ।
समूह ‘ए’ मा साविक विजेतासमेत रहेको कतारसंगै मित्र राष्ट्र चीन, लेबनान र ताजकिस्तान रहेको छ ।
त्यस्तै, समूहमा ‘बी’ मा पुर्व एसियाली विजेता अष्ट्रेलियासंगै छिमेकी राष्ट्र भारत, सिरिया र उजबेकिस्तान रहेका छन् ।
समूह ‘सी’ मा भने तीन पटकको एसियन कप विजेता इरान, प्यालेस्टाइन, हङकङ र युनाइटेड अरब इमिरेट्स ९युएई० रहँदा समूह ‘डी’ मा सर्वाधिक चार पटकका एसियन कप विजेता जापान, इराक, इन्डोनेसिया र भियतनाम रहका छन् ।
यता, समूह ‘इ’ मा दुई पटकको एसियन कप विजेता दक्षिण कोरिया, जोर्डन, बहराइन र मलेसिया रहँदा समूह ‘एफ’ मा तीन पटकका एसियन च्याम्पियन साउदी अरबिया, ओमान, थाइल्याण्ड र क्रिगिस्तान रहेका छन् ।
प्रतियोगिता लिग कम नकआउट प्रणालीका आधारमा सञ्चानल हुनेछ ।
समूह चरणमा प्रत्येक समूहबाट शीर्ष दुईमा रहने दुई टोली समूह विजेता र उपविजेताका रुपमा अन्तिम १६ मा प्रवेश गर्नेछ । त्यस्तै, प्रत्येक समूहको तेस्रो स्थानमा रहने टोलीमध्येबाट उत्कृष्ट चार टोलीले पनि प्रतियोगिताको अन्तिम १६ मा स्थान बनाउनेछ ।
प्रतियोगिताको उद्घाटन खेलमा आयोजक राष्ट्र कतारले लेबनानसंग खेल्नेछ ।
सो खेल नेपाली समय अनुसार राति पौने १० बजे सुरु हुनेछ ।
चार वर्षको अन्तरालमा आयोजना हुने एसियाली सर्वोच्च प्रतियोगिता आउँदो जनवरी १२ तारिखदेखि फ्रेबअरी १० तारिखसम्म करिब एक महिना कतारका विभिन्न पाँच सहरका ९ रंगशालामा हुँदैछ ।
लेखक
