भक्तपुर । नेपालले एएफसी महिला एसियन कप छनोटअन्तर्गत लगातार दोस्रो खेलमा फराकिलो जित निकालको छ ।
बुधवार साँझ भएको खेलमा नेपालले चिरपरिचित दक्षिण एसियाली राष्ट्र श्रीलंकालाई ८–० को फराकिलो जित निकालेको हो ।
यसअघि नेपालले छनोटअन्तर्गत पहिलो खेलमा लावसमाथि ९–० को जित हासिल गरेको थियो ।
उज्बेकिस्तानको बुन्योदकोर रंगशालामा भएको खेलमा नेपाललाई एकपक्षिय जित दिलाउन कप्तान साबित्रा भण्डारी (साम्बा) ले ह्याट्रिक गर्दा गीता रानाले दुई तथा रेखा पौडेल, पूजा राना र निशा थोकरले समान एक–एक गोल थपे ।
जितसंगै समूह ‘एफ’ मा रहेको नेपालले २ खेलबाट ६ अंक जोडेको छ ।
अब नेपालले समूह चरणको तेस्रो तथा अन्तिम खेलमा घरेलु टोली उज्बेकिस्तानसंग खेल्नेछ ।
उक्त खेलमा जित हासिल गर्न सके नेपाल अष्ट्रेलियामा हुने एसियन कपमा छनोट हुनेछ ।
लेखक
