एजेन्सी । संयुक्त राज्य अमेरिकामा जारी दोस्रो संस्करणको मेजर लिग क्रिकेट (एमएलसी) अन्तर्गत खेलमा एलए नाइट राइडर्सले जित निकालेको छ ।
विहिवार विहान भएको खेलमा एलए नाइट राइडर्सले सियाटल ओर्कासमाथि ४ विकेटको जित निकालेको हो ।
महत्वपूर्ण जितसंगै एलए नाइट राइडर्सले ६ खेलबाट ५ अंक जोड्दै लिग तालिकाको चौथौं स्थानमा उक्लिएको छ ।
पराजित अर्कासको भने ५ खेलबाट २ अंकसहित तालिकाको छैटौं अर्थात् पुच्छारमा रहेको छ ।
नर्थ क्यालोरिनास्थित चर्च स्ट्रिट पार्क रंगशालामा भएको खेलमा १४३ रनको विजयी लक्ष्यका साथ जवाफी ब्याटिङमा उत्रिएको एलएले १९.१ ओभर खेल्नेक्रममा ६ विकेट गुमाउँदै पूरा गर्यो ।
एलएका लागि विकेटकिपर उन्मुक्त चन्दले ४७ बलमा ३ चौका र ३ छक्का प्रहार गर्दै ६२ रनको अर्धशतकिय पारी खेल्दा जसन रोयले २४ बल खेल्दै ३ चौका प्रहार गर्दै २७ रन जोडेर पेविलियन फर्किए ।
त्यस्तै, सैफ बडारले १६ बलमा १ छक्का प्रहार गर्दै १८ रन जोडेर अविजित रहँदा नितिश कुमारले ९ बल खेल्नेक्रममा १ छक्का प्रहार गरेर १२ रन जोड्दै पेविलियन फर्किए ।
यता, एन्ड्रे रस्सेलले ७ बलमा १ छक्का प्रहार गर्दै १० रन जोडेर आउट हुँदा कप्तान सुनिल नारिने ८ र डेभिड मिलेर २ रनमा पेविलियन फर्किए ।
कोर्ने ड्राइ भने शुन्य रनमा अविजित रहे ।
एलएले अतिरिक्त रुपमा ४ रन जोड्यो ।
ओकार्सका लागि क्यामरन गानोन र हरमित सिंहले समान २–२ विकेट लिँदा लुङ्गी एनगिडी र किमो पाउलले १–१ विकेट लिए ।
त्यसअघि टस जितेर पहिला ब्याटिङमा उत्रिएको ओर्कासले निर्धारित २० ओभरको खेलमा ६ विकेट गुमाउँदै १४२ रन जोड्यो ।
ओर्कासका लागि ओपनर ब्याट्सम्यान रायन रिकेल्टनले ५२ बलमा ७ चौका र ६ छक्का प्रहार गर्दै सर्वाधिक ८९ रनको अर्धशतकिय पारी खेल्दा हेनरिक क्लासेनले २३ बल खेल्नेक्रमा २ चौका प्रहार गदै २३ रन जोडेर पेविलियन फर्किए ।
त्यसपछि अन्य कुनैपनि ब्याटरले दोहोरो अंकमा रन जोड्न सकेनन् ।
आरोन जोन्स ९, माइकल ब्रासवेल ५, शेहान जयासुर्या २ र क्विन्टन डि कक शुन्य रनमा पेविलियन फर्किए ।
यता, किमो पाउल र हरमित सिंह समान ४–४ रनमा अविजित रहे ।
ओर्कासले अतिरिक्त रुपमा ६ रन जोड्यो ।
एलएका लागि कप्तान सुनिल नारिने, एन्ड्रे रस्सेल, स्पेनसर जोनसन र कोर्ने ड्राइले समान १–१ विकेट लिए ।
लेखक
