एजेन्सी । संयुक्त राज्य अमेरिकामा जारी दोस्रो संस्करणको मेजर लिग क्रिकेट (एमएलसी) अन्तर्गत खेलमा सियाटल ओकार्समाथि सान फ्रान्सिस्को युनिकर्न्सले सहज जित निकालेको छ ।
आईतवार विहान भएको खेलमा सान फ्रान्सिस्को युनिकर्न्सले सियाटल ओकार्समाथि ६ विकेटको सहज जित निकालेको हो ।
महत्वपूर्ण जितसंगै सान फ्रान्सिस्को युनिर्कन्स र वासिङटन फ्रिडम प्लेअफमा छनोट हुन सफल भएका छन् ।
६ खेल खेलिसकेको वासिङटनले ५ जितसहित ११ अंक हासिल गर्दै लिग तालिकाको शीर्ष स्थानमा कायम रहेको छ ।
त्यस्तै सान फ्रान्सिस्कोले ओर्कासमाथि जित निकालेसंगै ६ खेलबाट ९ अंक जोड्दै दोस्रो स्थानमा रहेको छ ।
पराजित ओकार्सको भने ६ खेलबाट २ अंकसहित तालिकाको पुच्छारमा रहेको छ ।
टेक्सासस्थित ग्रान्ड प्रेरी रंगशालामा भएको खेलमा १५३ रनको मध्यम विजयी लक्ष्य पछ्याएको सान फ्रान्सिस्कोले १४.२ ओभरमा मात्र ४ विकेट गुमाउँदै १५६ रन जोड्यो ।
सान फ्रान्सिस्कोका लागि ओपनर ब्याट्सम्यान फिन अल्लेनले ३० बलमा ८ चौका र ६ छक्का प्रहार गर्दै ७७ रनको अर्धशतकिय पारी खेल्दै जितको आधार तयार पारे ।
त्यस्तै, विकेटकिपर जोश इंग्लिसले १७ बलमा २ चौका र १ छक्का प्रहार गर्दै २४ रन जोडेर अविजित रहँदा अर्का ओपनर म्याट सर्टले १४ बल खेल्दै २ छक्का प्रहार गरेर १९ रन जोड्दै पेविलियन फर्किए ।
यता, शेरफान रुथरफोर्डले ८ बलमा १ चौका र २ छक्का प्रहार गर्दै १७ रन जोडेर आउट हुँदा सञ्जय कृष्णामुर्थी १६ बल खेल्नेक्रममा १ चौका मद्दतमा १० रन जोडेर पेविलियन फर्किए ।
कप्तान कोरे एडरसन भने ४ रनमा अविजित रहे ।
सान फ्रान्सिस्कोले अतिरिक्त रुपमा ५ रन जोड्यो ।
आकार्सका लागि हरमित सिंहले २ विकेट लिँदा क्यामरन गानोन र आइमद वासिमले १–१ विकेट लिए ।
त्यसअघि टस हारेर पहिला ब्याटिङमा उत्रिएको सियाटल ओकार्सले निर्धारित २० ओभरको खेलमा ७ विकेट गुमाउँदै १५२ रन जोड्यो ।
सियाटल ओकार्सका लागि विकेटकिपर क्विन्टन डि ककले ३३ बलमा ८ चौका र ३ छक्का प्रहार गर्दै ६२ रनको अर्धशतकिय पारी खेल्दा शेहान जयासुर्याले ३३ बल खेल्दै ४ चौका प्रहार गरेर ३१ रन जोडे ।
त्यस्तै, शुभम् रानजानेले २५ बलमा १ चौका र १ छक्का प्रहार गर्दै २६ रन जोडेर अविजित रहँदा कप्तान हेनरिक क्लासेन ८ र हरमित सिंह ३ रनमा पेविलियन फर्किए ।
ओकार्सका ३ ब्याटरले अंकको खाता नै खोल्न सकेनन् ।
ओर्कासले अतिरिक्त रुपमा ५ रन जोड्यो ।
यता, सान फ्रान्सिस्कोका लागि हस्सन खानले ३ विकेट लिँदा कार्मी ले रौक्सले २ तथा कोरे एडरसन र बोर्डे काउचले १–१ विकेट लिए ।
लेखक
