एजेन्सी । अमेरिकी मेजर लिग सकर (एमएलएस) अन्तर्गत खेलमा एटलान्टा युनाइटेडसंग इन्टर मियामी पराजित भएको छ ।
विहिवार विहान भएको खेलमा एटलान्टा युनाइटेडसंग लियोनल मेसीको कप्तानीमा रहेको इन्टर मियामी ३–१ ले पराजित भएको हो ।
मियामीको घरेलु मैदान चेस स्टेडियममा भएको खेलमा भ्रमणकारी टोलीलाई जिताउन साबा लाबजानीड्जेले दुई गोल गर्दा अर्को एक गोल जमाल थियारेले गरे ।
पराजित घरेलु टोलीका लागि मेसीले सान्तोना गोल फर्काए ।
पहिलो हाफको ४४ औं मिनेटमा ट्रिस्टान मुयुम्बाको पासमा साबाले गोल गर्दै भ्रमणकारी टोलीलाई सुरुवाती अग्रता दिलाए ।
दोस्रो हाफको ५९ औं मिनेटमा ब्रुक्स लेन्ननको पासमा साबाले व्यक्तिगत रुपमा दोस्रो गोल गर्दा एटलान्टा २–० ले अघि बढ्यो ।
तर, ६२ औं मिनेटमा सर्जियो बस्क्वेटको पासमा मेसीले मियामीका लागि गोल फर्काउँदा खेल २–१ को अवस्थामा आयो ।
त्यसपछि ७३ औं मिनेटमा कालेब विल्लेको असिस्टमा जमालले गोल थप्दा एटलान्टा ३–१ ले विजयी भयो ।
जितसंगै एटलान्टाले १५ खेलमा १६ अंक जोड्दै लिग तालिकाको १२ औं स्थानमा यथावत रहेको छ ।
पराजित मियामीको भने १७ खेलमा ३४ अंकसहित तालिकाको शीर्ष स्थानमा कायम रहेको छ ।
लेखक
