एजेन्सी । द च्याम्पियनसिप क्लब साउथह्याम्टनमाथि सहज जित निकाल्दै लिभरपूल प्रतिष्ठित प्रतियोगिता एफए कपको क्वाटरफाइनलमा प्रवेश गरेको छ ।
बुधवार राति भएको खेलमा बलियो लिभरपूलले तुलनात्मक रुपमा कमजोर प्रतिद्वन्दी साउथह्याम्टनमाथि ३–० को जित निकाल्दै इंग्लिस प्रतिष्ठित प्रतियोगिताको क्वाटरफाइनलमा प्रवेश गरेको हो ।
मर्सिसाइड क्लबको घरेलु मैदान एन्डफिल्ड रंगशालामा भएको खेलमा घरेलु टोलीको जितमा युवा खेलाडी जेदिन ड्यान्सले दुई गोल गर्दा लेविस कौमासले एक गोल गरे ।
पहिलो हाफको ४४ औं मिनेटमा बबी क्लार्कको असिस्टमा कौमासले गोल गर्दै रेड्सका रुपमा समेत चिनिने लिभरपूललाई १–० ले अघि बढाए ।
त्यसपछि दोस्रो हाफको ७३ औं मिनेटमा हार्भे इलियटको असिस्टमा ड्यान्सले गोल गर्दै लिभरपूललाई २–० ले अघि बढाए ।
यता, ८८ औं मिनेटमा ड्यान्सले व्यक्तिगत रुपमा दोस्रो गोल थप्दा लिभरपूल ३–० ले विजयी भयो ।
अब लिभरपूलले क्वाटरफाइनलमा चिरपरिचित प्रतिद्वन्दी म्यानचेस्टर युनाइटेडसंग प्रतिस्पर्धा गर्ने भएको छ ।
त्यस्तै, गयराति नै सम्पन्न अर्को खेलमा उल्भ्सले प्रिमियर लिग प्रतिद्वन्दी ब्राइटनमाथि १–० को जित निकाल्यो ।
उल्भ्सको घरेलु मैदान मोनिलियोक्स स्टेडियममा भएको खेलमा घरेलु टोलीको जितमा मारियो लेमिनाले एकमात्र निर्णायक गोल गरे ।
लेमिनाले खेल सुरु भएको दोस्रो मिनेटमा गरेको गोल नै उल्भ्सका लागि जितका लागि प¥याप्त बन्यो ।
जितसंगै उल्भस प्रतियोगिताको क्वाटरफाइनलमा प्रवेश गरेको छ ।
लेखक
