एजेन्सी । इंग्लिस फुटबलको प्रतिष्ठित प्रतियोगिता एफए कपअन्तर्गत तेस्रो चरणको खेलमा लिभरपूलले आर्सनललाई पराजित गरेको छ ।
आईतवार राति भएको हेभिवेट भिडन्तमा लिभरपूलले आर्सनललाई २–० ले पराजित गरेको हो ।
आर्सनलको घरेलु मैदान इमिरेट्स रंगशालामा भएको खेलमा दुबै गोल दोसो हाफमा सम्भव भयो ।
दोस्रो हाफको ८० औं मिनेटमा आर्सनलका जाकुब किविओरको आत्मघाती गोलमार्फत लिभुपूलले १–० को अग्रता लियो ।
त्यसपछि खेलको अन्तिम समयतिर इन्जिुरी समयको पाँचौं मिनेटमा डिएगो जोटाको असिस्टमा लुइस डाइजले गोल थप्दा लिभरपूल २–० ले विजयी भयो ।
जितसंगै लिभरपूल प्रतियोगिताको अघिल्लो चरण प्रवेश गर्दा आर्सनल भने बाहिरिएको छ ।
एफए कपअन्तर्गत नै गयराति नै भएको अन्य खेलहरुमा साविक विजेता म्यानचेस्टर सिटीले हडर्सफिल्ड टाउनमाथि ५–० को फराकिलो जित रच्दा वेस्टह्याम युनाइटेड भने बिस्टोल सिटीसंग १–१ को बराबरीमा रोकिएको छ ।
त्यस्तै, नटिङघम फोरेस्ट पनि ब्लाकपुलसंग २–२ को बराबरीमा रोकिँदा लुटन टाउन भने बोल्टन वान्डर्ससंग गोलरहित बराबरीमा रोकिएको छ ।
लेखक
