एजेन्सी । इंग्लिस फुटबलको प्रतिष्ठित कप एफए कपअन्तर्गत पाँचौं चरणको ड्र सार्वजनिक भएको छ ।
म्यानचेस्टर सिटीविरुद्व ब्रिस्टोल सिटी
सोमवार सार्वजनिक गरिएको ड्र अनुसार उपाधि दाबेदार म्यानचेस्टर सिटीले ब्रिस्टोल सिटी प्रतिद्वन्दीका रुपमा पाएको छ । प्रिमियर लिगको साविक विजेतासमेत रहेको सिटीले तुलनात्मक रुपमा कमजोर प्रतिद्वन्दी पाएको हो ।
सिटीले प्रतियोगिताअन्तर्गत चौथौं चरणमा जारी सिजन उच्च लयमा रहेको आर्सनललाई पराजित गर्दै पाँचौं चरण पुगेको थियो ।
यता, च्याम्पियनसिप क्लब ब्रिस्टोलले भने वेस्ट ब्रोमिचलाई हराउँदै पाँचौ चरण पुगेको हो । यो खेल फब्रअरी २७ तारिखमा अस्टन गेट रंगशालामा खेलिनेछ ।
म्यानचेस्टर युनाइटेडविरुद्व वेस्टह्याम युनाइटेड
एफए कपको पाँचौ चरणमा यी दुई प्रिमियर लिग क्लब आमनेसामने हुने भएका छन् । म्यान युनाइटेडले प्रतियोगिताअन्तर्गत चौथौं चरणमा च्याम्पियनसिप क्लब रिडिङलाई हराएको थियो ।
त्यस्तै, वेस्टह्यामले लिग वान क्लब डर्बी काउन्टीमाथि जित निकालेको थियो । प्रिमियर लिग क्लब द्वयबीचको खेल फेब्रअरी २७ तारिखमा ओल्डट्राफेडमा हुनेछ ।
स्टोक सिटीविरुद्व ब्राइटन
च्याम्पियनसिप क्लब स्टोक सिटीले प्रिमियर लिग क्लब ब्राइटनसंग एफए कपअन्तर्गत पाँचौं चरणमा प्रतिस्पर्धा गर्ने भएको छ ।
चौथौं चरणमा च्याम्यियनसिप क्लबले लिग टु क्लब स्टेभेनाजलाई पराजित गरेको थियो भने प्रिमियर लिग क्लब ब्राइटनले साविक विजेता लिभरपूललाई पराजित गर्दै प्रतियोगिताको पाँचौ चरणमा स्थान बनाएको थियो ।
यी दुई टोलीबीचको खेल फेब्रअरी २७ तारिखमा बेट ३६५ रंगशालामा हुनेछ ।
यता, प्रिमियर लिग क्लब लेस्टर सिटीले ब्लाकबर्न रोभर्स र बिर्मिनघम सिटीबीचको विजेतासँग पाँचौं चरणमा प्रतिस्पर्धा गर्नेछ भने प्रिमियर लिग क्लब साउथह्याम्पटनले लुटोन टाउन र ग्रिम्स्बी टाउनबीचको विजेतासँग खेल्नेछ ।
त्यस्तै, अर्को प्रिमियर लिग क्लब टोटेनहमले पाँचौं चरणमा सेफिल्ड युनाईटेड र रेक्समबीचको विजेतासँग खेल्ने तालिका सार्वजनिक हुँदा लिड्स युनाईटेडले फुलहम र सन्डरल्याण्डबीचको विजेतासँग खेल्नेछ ।
यता, बर्नली र इप्स्वीच टाउनबीचको विजेताले पाँचौं चरणमा सेफिल्ड वेनस्डे र फ्लिटउड टाउनबीचको विजेतासँग खेल्नेछ ।
लेखक
