भक्तपुर । पहिलो संस्करणको नेपाल प्रिमियर लिग (एनपिएल) को उद्घाटन खेलमा जनकपुर बोल्ट्सले सहज जित निकालेको छ ।
सनिवार भएको बहुप्रतिक्षित एनपिएलको उद्घाटन खेलमा जनकपुर बोल्ट्सले विराटनगर किंग्समाथि ८ विकेटको सहज जित निकालेको हो ।
जितसंगै जनकपुरले अंक तालिकामा महत्वपूर्ण २ अंक जोडेको छ ।
काठमाडौंको क्रितिपुरस्थित टियु क्रिकेट मैदानमा भएको खेलमा १२८ रनको सामान्य विजयी लक्ष्यका साथ जवाफी ब्याटिङमा उत्रिएको जनकपुरले १५.३ ओभरमा २ विकेट गुमाएर १३१ रन जोड्यो ।
जनकपुरको जितमा लाहिरु मिलान्थाले ५३ बलमा १० चौका र ३ छक्का प्रहार गर्दै सर्वाधिक ७५ रनको अर्धशतकिय पारी खेल्दै अविजित रहँदा हर्ष थाकेरले ३३ बल खेल्नेक्रममा २ चौका प्रहार गरेर २९ रन जोड्दै अविजित रहे ।
कप्तान तथा ओपनर ब्याट्सम्यान अनिल साह ५ रनमा पेविलियन फर्किदा अर्का ओपनर आसिफ शेख शुन्य रनमा पेविलियन फर्किए ।
जनकपुरले अतिरिक्त रुपमा २२ रन जोड्यो ।
विराटनगरका लागि प्रतिश जिसी र क्रिस सोलले १–१ विकेट लिए ।
त्यसअघि टस जितेको जनकपुरले विराटनगरलाई पहिला ब्याटिङमा निम्यायो ।
विराटनगरले १८ ओभर खेल्दै अलआउट हुनेक्रममा १२७ रन जोड्यो ।
विराटनगरका लागि मार्टिन गप्टिलले ४३ बलमा ७ चौका र १ छक्का प्रहार गर्दै ५५ रनको अर्धशतकिय पारी खेल्दा ओपनर ब्याट्सम्यान अकिब इलियासले १८ बल खेल्दै १ चौका प्रहार गरेर १५ रन जोड्दै पेविलियन फर्किए ।
विराटनगरका अन्य कुनैपनि ब्याटरले दोहोरो अंकमा रन जोड्न सकेनन् ।
निकोलास क्रिटन ९, अनिल खरेलु ७ रनमा अविजित रहँदा कप्तान सन्दिप लामिछाने र बसिर अहमद समान ७–७, अर्का ओपनर तथा विकेटकिपर लोकेश बम ५, क्रिस सोल ४, प्रतिश जिसी २ र राजेश मगर १ रनमा पेविलयन फर्किए ।
जितेन्द्र मुखियाले भने अंकको खाता नै खोल्न सकेनन् ।
विराटनगरले अतिक्ति रुपमा १५ रन जोड्यो ।
विराटनगरलाई सस्तैमा अलआउट गर्न जनकपुरका लागि ललित नारायण राजबंशी र हर्ष थाकेरले समान ३–३, किशोर महतोले २ तथा मोहम्मद मोहसिन र बेन माइकले १–१ विकेट लिए ।
लेखक
