भक्तपुर । पहिलो संस्करणको नेपाल प्रिमियर लिग (एनपिएल) को उद्घाटन खेलमा आज (सनिवार) विराटनगर किंग्स र जनकपुर बोल्ट्स खेल्दैछन् ।
काठमाडौंको क्रितिपुरस्थित टियु क्रिकेट मैदानमा हुने खेल नेपाली समय अुनसार विहानको सवा १२ बजे सुरु हुनेछ ।
कोशी प्रदेशको प्रतिनिधित्व गर्ने विराटनगर किंग्सको कप्तानी नेपाली राष्ट्रिय क्रिकेट टोलीका पुर्वकप्तान समेत रहेका स्पिनर सन्दिप लामिछानेले सम्हाल्ने छन् ।
विराटनगरको टोलीमा कप्तान सन्दिपका अलावा प्रतिश जिसी, लोकश बम, बसिर अहमद, जितेन्द्र मुखिया, मृनल गुरुङ, नरेन भट्ट, सुवास भण्डारी, अनिल खरेल, दिपक बोहरा, राजेश पुलामी मगर र कमल खत्री नेपाल खेलाडीका रुपमा रहँदा विदेशी कोटाबाट क्रिस सोल, मार्टिन गुप्टिल, निकोलास क्रिटन, अकिब इलियास र इस्मत आलम रहेका छन् ।
त्यस्तै, मधेश प्रदेशको प्रतिनिधित्व गर्ने जनकपुर बोल्ट्सको कप्तानी नेपाली राष्ट्रिय क्रिकेट टोलीका ओपनर अनिल साहले गर्दैछन् ।
जनकपुरको टोलीमा कप्तान अनिलसंगै विकेटकिपर आसिफ शेख, ललित नारायण राजबंशी, किशोर महतो, हेमन्त धामी, रुपेश कुमार सिंह, आकाश त्रिपाठी, शेर मल्ल, अरनिको यादव, शुभ कंसाकार, तुलबहादुर थापामगर र विशाल सुस्लिङ नेपाली खेलाडीका रुपमा रहँदा जेम्स निशम, जोशुआ ट्रम्प, मोहम्मद मोहसिन, बेन माइक, लाहिरु मिलान्था र हर्ष थाकेर विदेशी कोटाबाट रहेका छन् ।
आगामी पुस ६ गतेसम्म सञ्चालन हुने प्रतियोगितामा कुल आठ टिमले प्रतिस्पर्धा गर्दै छन् ।
सिंगल राउन्ड एन्ड रोबिन लिग प्रणालीमा सञ्चालन हुने टि–२० ढाँचाको प्रतियोगितामा कुल ३२ खेल हुनेछन् ।
जसमा लिग चरणमा २८ खेल हुनेछन् भने प्लेअफमा तीन र फाइनल खेल समावेश छन् ।
लेखक
