भक्तपुर । काठमाडौंमा जारी पहिलो संस्करणको नेपाल प्रिमियर लिग (एनपिएल) मा पोखरा एभेर्न्जसले लुम्बिनी लायन्समाथि सहज जित निकालेको छ ।
शुक्रवार भएको एनपिएल खेलमा पोखरा एभेर्न्जसले लुम्बिनी लायन्समाथि १० विकेटको सहज जित निकालेको हो ।
ुजितसंगै पोखराले जारी प्रतियोगितामा पहिलो जित निकाल्नेक्रमा ३ खेलबाट २ अंक जोडेर तालिकाको पाँचौं स्थानमा उक्लिएको छ ।
पराजित लुम्बिनीले भने २ खेल खेलिसक्दा दुबैमा हारको नतिजा आत्मसाथ गर्दै शुन्य अंकका साथ तालिकाको पुच्छारमा रहेको छ ।
क्रितिपुरस्थित टियु क्रिकेट मैदानमा भएको खेलमा १७१ रनको विजयी लक्ष्यका साथ जवाफी ब्याटिङमा उत्रिएको पोखराले १६.५ ओभर खेल्नेक्रमा विना कुनै विकेट क्षति १७६ रन जोड्यो ।
पोखरालाई सहजै जित दिलाउन ओपनर ब्याट्सम्यान आन्ड्रेस गौसले ५५ बलमा १२ चौका र ५ छक्का प्रहार गर्दै सर्वासधक १०४ रनको शतकिय पारी खेल्दा अर्का ओपनर दिनेश खरेलले ४६ बल खेल्नेक्रममा ४ चौका र ४ छक्का प्रहार गर्दै ६१ रनको अर्धशतकिय पारी खेल्दै अविजित रहे ।
पोखराले अतिरिक्त रुपमा ११ रन जोड्यो ।
त्यसअघि टस जितेर पहिला ब्याटिङमा उत्रिएको लुम्बिनीले निर्धारित २० ओभरको खेलमा ५ विकेट गुमाउँदै १७० रन जोड्यो ।
लुम्बिनीका लागि कप्तान रोहित पौडेलले ५९ बलमा १० चौका र ४ छक्का प्रहार गर्दै ९५ रनको जोड्दै रनआउट हुँदा टम मोरिसले ३८ बल खेल्नेक्रममा २ चौका र २ छक्का प्रहार गर्दै ४५ रन जोडेर रनआउट भए ।
त्यस्तै, सुन्दिप जोराले १५ बलमा २ चौका र १ छक्का प्रहार गर्दै १८ रन जोड्दै आउट हुँदा विवेक यादव २ रनमा अविजित रहे ।
लुम्बिनीका ओपनर ब्याट्सम्यानद्वय आशुतोष घिरैया र उन्मुक्त चन्द शुन्य रनमा पेविलियन फर्किए ।
लुम्बिनीले अतिरिक्त रुपमा १० रन जोड्यो ।
पोखराका लागि बिपिन खत्रीले २ विकेट लिँदा म्याट चिट्चेलीले १ विकेट लिए ।
लेखक
